魯霸·海格

魯霸·海格 （Rubeus Hagrid）
《哈利波特》嘅角色
File:RubeusHagrid.jpg 羅比·寇特蘭喺《哈利波特》系列電影入面一直飾演魯霸·海格嘅角色。
首次出場	《哈利波特：神秘的魔法石》
尾次出場	《哈利波特：死神的聖物2》
作者	J·K·羅琳
扮演	羅比·寇特蘭
配音	周偉強（粵語配音）
詳細信息
性別	男性
職業	霍格華茲嘅鑰匙管理員兼獵場看守人 霍格華茲奇獸飼育學教授
家庭	海格先生（阿爸）† 傅污髮（阿媽） 呱啦（同母異父細佬）
國籍	英國

魯霸·海格（英文：Rubeus Hagrid）係英國作家J·K·羅琳嘅《哈利波特》系列入面嘅一個虛構人物。喺《哈利波特：神秘的魔法石》裡面，海格係霍格華茲嘅鑰匙管理員兼獵場看守人，佢係一個混血巨人Half-giant，呢個係佢喺頭六輯小說同電影裡面嘅主要背景。海格喺《哈利波特：阿茲卡班的逃犯》裡面得到提拔做新任嘅奇獸飼育學教授，後嚟據透露成為咗鳳凰會嘅成員。

海格嘅阿爸係個巫師，而佢阿媽係巨人Giant—傅污髮Fridwulfa，而海格有一個同母異父嘅細佬—巨人呱啦Grawp。海格嘅性格係個忠誠、友好、心軟同埋容易喊嘅人，佢仲以濃厚嘅西部鄉村口音而出名。

喺成個《哈利波特》電影系列裡面，由2001年嘅《哈利波特：神秘的魔法石》去到2010年嘅《哈利波特：死神的聖物2》，魯霸·海格嘅角色都係由羅比·寇特蘭做嘅。

角色發展

《哈利波特》系列嘅作者羅琳話海格係佢喺「第一日」入面創作嘅其中一個角色，佢同哈利·波特、榮恩·衛斯理、差啲無頭嘅尼克同埋皮皮鬼都係佢最早創造嘅《哈利波特》角色。佢將海格個名嘅來源解釋做「另一個古老嘅英語單詞，佢嘅意思係—如果你係海格—呢個係一個方言詞—你會度過好差嘅一晚。海格係個酒鬼—佢有好多個好差嘅夜晚。」海格對霍格華茲啲教授都十分之尊敬，尤其係對鄧不利多教授（海格幾乎從未批評過啲教授，喺升職做教授之後都係咁樣）。喺威農·德思禮出口污辱鄧不利多嗰陣時，海格喺嬲到震之下用魔法令到威農個仔—達力·德思禮生咗條豬尾出嚟。

佢個名—魯霸喺拉丁語入面嘅意思係紅色，用嚟反映煉金術仲同鄧不利多嘅老豆做對比：佢嘅「熱誠」同鄧不利多嘅「禁慾主義」。露絲瑪麗·高林Rosemary Goring喺佢嘅文章《哈利的名聲Harry’s Fame》入面，佢指出迪恩森林對羅琳嘅作品產生咗影響，而海格係唯一一個「直接嚟自迪恩森林directly drawn from the Forest of Dean」嘅角色。根據高林嘅講法，海格嘅「刪除詞尾係切普斯托Chepstow嘅特色」。佢仲聲稱海格嘅身體上以模仿地獄天使嘅威爾斯章節嚟做藍本，佢哋會喺皮革同頭髮組成嘅巨大山脈俯衝落去鎮上面仲佔領咗酒吧。

海格嘅性格同圍繞住佢同哈利·波特、榮恩·衛斯理同埋妙麗·格蘭傑之間喺佢間屋仔裡面嘅對話嚟做故事解說，由於佢習慣於向佢哋洩露一啲淨係得佢只有得佢先會知道嘅特別信息，佢哋三個成日因為咁就透過同海格傾計嚟發現有關鄧不利多同霍格華茲嘅事。海格亦都係最早暗示咗啲巫師嘅純血同混血概念已經過時嘅其中一個角色。

羅琳喺接受採訪嗰陣時表示，海格喺學生時代就被分派去葛萊分多學院裡面。當佢擁有一隻叫做阿辣哥嘅八眼巨蛛嚟做作為寵物嗰時，佢就俾霍格華茲踢出校，原因係佢隻寵物被認為係「史萊哲林嘅怪物」。不過，時任校長阿曼多·迪劈Armando Dippet喺當時嘅變形學教授—鄧不利多勸說之下，校長同意讓俾海格訓練做獵場看守人嚟去俾呢個男仔繼續留喺霍格華茲。當哈利入讀霍格華茲嗰陣，海格都仲係嗰間學校嘅獵場看守人同鎖匙管理員。根據羅琳嘅講法，前者嘅意思係「佢會俾你出入霍格華茲」，而佢嘅部分工作包括咗帶領一年級嘅新生撐船仔穿越湖面嚟去到霍格華茲。

當羅琳喺討論小說人物嘅殺戮問題嗰陣時，佢話佢一直都知道自己正喺度「努力令海格將據講已經死咗嘅哈利生勾勾咁帶返出去森林」。佢話佢好早就計劃咗哈利會喺「一班幽靈」嘅陪伴之下步向死亡，而「佢會喺海格嘅懷裡面出現」。佢用自己嘅說話嚟講，「呢個就係海格始終確保安全嘅原因」。佢話「海格喺某啲方面本嚟就係好自然嘅殺戮」，但呢一刻腦海裡面嘅形象—一個慈父咁樣嘅海格將癱軟嘅哈利抱住喺懷裡面—佢嗰種力量強烈到以至於決定咗哈利嘅命運。佢亦都好鍾意海格將哈利帶到呢個世界，然後又將哈利喺死裡復活嘅循環概念。

電影演譯

羅比·寇特蘭喺成個系列所有八套戲入面飾演住魯霸·海格。

蘇格蘭演員羅比·寇特蘭喺成個《哈利波特》電影系列入面都係飾演住魯霸·海格呢個角色。羅賓·威廉斯對呢個角色好有興趣，仲聯絡咗頭兩套戲嘅導演基斯·哥倫布話想參與呢個項目，但係哥倫布最初要「全英國同愛爾蘭演員」而拒絕咗威廉斯。不過羅琳由一開始就想寇特蘭做呢個角色，當被問到邊個係佢揀嘅演員名單嘅第一位嗰陣，羅琳就一口氣答咗「羅比·寇特蘭飾演嘅海格」。寇特蘭從未參演就已經係嗰個小說系列嘅粉絲，仲評論話成為咗《哈利波特》系列嘅一部分係「一件好巴閉嘅嘢」。羅琳喺拍攝過程入面同寇特蘭討論過海格嘅過去同未來，亦都提供咗唔少關於呢個角色嘅背景訊息嚟到去幫寇特蘭為呢個角色做準備。羅琳最後對寇特蘭嘅表現作出咗高度肯定，她仲表示：「羅比對海格嚟講簡直係完美無缺嘅，因為海格係一個非常可愛嘅角色，非常之得人鍾意，非常之搞笑...但係佢一定要有—你真係一定要感覺到—角色底子裡面有一定嘅韌性...我認為羅比完美咁做到咗呢一點。」

前英國欖球運動員馬田·貝菲爾德喺《哈利波特：消失的密室》裡面成為咗飾演後生版海格嘅一個特技演員，由於海格嘅體型比較大，因為咁就喺長鏡頭入面強調咗佢嘅身高。

英國演員格雷格·德萊文Greg Draven喺海格嘅魔法生物電單車冒險之旅入面形容做海格嘅表演替身，由於寇特蘭喺拍電影嗰陣嘅健康狀況唔多好，所以就需要到德萊文嘅演出。

人物性格同特徵

華納兄弟倫敦工作室之旅裡面海格嘅服裝。

外觀上

喺《哈利波特：神秘的魔法石》入面提到海格嘅身高係普通男人嘅兩倍，佢嘅闊度幾乎係接近５倍。不過喺電影版入面，佢被形容嘅晒士大約係8 ft 6 in（2.59 m），仲據講喺後期嘅小說入面，佢嘅闊度去到原來嘅三倍。海格出晒名係佢濃厚嘅西部鄉村口音。作為一個混血巨人Half-giant，佢同人類相比係唔太易受到咒語同埋惡咒Jinx嘅影響。

喺《哈利波特：鳳凰會的密令》入面，當桃樂絲·恩不里居同其他一啲巫師嚟到霍格華茲將佢帶走嗰陣時，佢哋試圖對海格施展惡咒仲打暈咗佢，但係因為巨人遺傳咗對魔法嘅抵抗力，所以呢啲咒語淨係喺佢身上反彈返出去。海格喺《哈利波特：混血王子的背叛》嘅「王子的逃亡Prince's escape」一章入面，佢喺抵禦食死人強大詛咒嗰陣就表現出呢種韌性；有啲魔藥對於佢嚟講都係無辦法發揮到效用，例如專門為人類而設計嘅變身水Polyjuice Potion。

性格上

海格嘅性格友善、心地柔軟同埋又容易喊，就正如佢喺《神秘的魔法石》嘅第一個場景入面，當佢將哈利送到德思禮家嗰陣時嘅表現就同讀者所睇到嘅咁樣。

海格對同輩嘅人非常之忠誠，尤其係對鄧不利多，佢曾經多次話鄧不利多係世界上最偉大嘅巫師；就正如喺《神秘的魔法石》第一次見到佢咁樣，每當喺佢身邊有人侮辱鄧不利多嗰陣都會搞到佢非常之嬲（威農·德思禮就犯咗呢個錯，佢話鄧不利多係「老咗嘅癡線傻瓜」）；海格對哈利亦都非常之忠誠，搞到佢喺成個系列入面受到幾次痛苦，仲有兩次無得唔匿埋去避過坐監。羅琳喺講到海格嗰陣話：「海格一直被認為係呢種幾乎係元素咁樣嘅力量。佢就好似森林之王或者係綠人，佢就係住喺森林邊緣嘅嗰種半野人。」

魔法能力同技巧

海格當年俾霍格華茲踢出校嗰陣時，魔法部將佢支魔杖整斷咗嚟唔俾佢施展魔法；小說裡面嘅情節暗示咗鄧不利多曾經喺暗中用佢嘅接骨木魔杖嚟整返好海格支魔杖，後嚟海格偷偷哋將佢支魔杖收埋喺一把粉紅色雨遮裡面，有時仲用嚟施展一啲小法術；不過，海格喺第三本小說之前技術上係唔准用魔法，而且亦都由於佢從來未受過正規嘅魔法教育，所以佢並唔係好叻去用啲要有高度實力嘅魔法，但係佢「偶爾會帶嚟更加令人印象深刻嘅魔法，呢個令到所有人（包括咗佢自己）都好驚訝」。由於海格並唔係一個完全合格嘅巫師，搞到佢同其他成年巫師相比嗰時，佢「總係會有啲無能」。海格喺《哈利波特：消失的密室》入面嘅罪名得到洗清之後，佢重新獲准去用魔法，不過佢就無辦法召喚到護法咒。

海格仲擁有咗佢源自巨人血統嘅魔法能力，例如魔法部官員兼霍格華茲代理校長同總督察桃樂絲·恩不里居佢哋一班人喺《哈利波特：鳳凰會的密令》入面不斷向佢施展好多昏擊咒同埋其他惡咒，但係全都俾佢反彈開晒。這個係由於佢嘅血統對佢嘅保護，因為巨人族嘅皮膚可以抵禦大部分法術嘅攻擊，就算身為半巨人嘅海格都係一樣，淨係得好似索命咒咁強大嘅黑魔法先至可以真正咁傷害到佢。另外，身為半巨人嘅海格亦擁有一定程度超乎常人嘅力量，呢樣嘢俾佢單手就可以將支獵槍嘅槍管扭曲咗。當食死人喺小說系列嘅後嚟企圖將海格嘅屋仔燒毀嗰陣，哈利曾經教佢點樣施咒嚟淋熄啲火焰。

家庭

海格嘅屋仔，喺奧蘭多環球影城入面嘅哈利波特嘅魔法世界景點裡面影嘅。

父母

喺《哈利波特：阿茲卡班的逃犯》裡面，海格曾經形容佢老豆係一個「一個非常細粒嘅人」，佢自己喺６歲嗰陣就可以單手將佢老豆放喺梳妝枱上面，海格好明顯然對佢老豆產生咗濃厚嘅感情。海格亦都喺嗰輯入面講到佢老豆喺佢讀霍格華茲三年級嗰陣唔喺度，嗰樣嘢係佢最悲傷嘅回憶之一。關於海格父母嘅真相喺《哈利波特：火盃的考驗》嗰陣被揭露咗出嚟：佢老豆喺成個系列嘅故事入面都無提及過，淨係知道佢係個巫師，佢同一個叫做傅污髮Fridwulfa嘅女性巨人結咗婚，而傅污髮喺魯霸出咗世之後就將佢交俾海格嘅老豆去湊就離家出走；根據海格嘅講法，佢阿媽傅污髮並唔係好似一般啲阿媽咁樣，佢喺離家出走之後，後嚟生咗海格嘅同母異父嘅細佬—呱啦Grawp。海格喺《哈利波特：鳳凰會的密令》裡面指出，佢阿媽傅污髮佢早喺海格返到去巨人族群身邊好久之前就過咗身喇。

呱啦

呱啦Grawp係海格同母異父嘅巨人細佬。呱啦有16英尺（4.9米）高，海格話佢嘅身高對於巨人嚟講其實係好矮。呱啦嘅指關節有板球咁大（周長~225 mm（8.9 in））。其他巨人會因為呱啦矮小嘅身材而去洽佢，呢個都係海格決定將佢帶到去禁忌森林嘅一個因素。

呱啦生得高又大份（比人類）但皮膚無光澤，佢淨係識幾個英語單詞，而且佢嘅行為狂野又好難去預測，但係佢都只係個巨人細路仔嚟嘅啫。呢一點喺電影裡面得到咗更多嘅描述，因為佢明顯咁被形容做一個身形大而容易激動嘅細路仔，佢根本就唔知道自己嘅力量係點樣，或者係應該要點樣去發展出適當嘅社交暗示。當嚴厲而有愛心嘅妙麗用媽咪咁樣嘅形象去接近佢嗰陣—做錯事嗰陣會鬧佢，當佢做好事嗰陣就讚佢仲有陪佢玩，佢亦都會對接近佢嘅妙麗俾反應。

呱啦起初似乎對自己阿哥試吓去教佢嘅行為表現得一啲都唔上心，佢寧願將啲時間花喺推冧啲樹木上面。當海格為咗避過唔洗坐監而離開霍格華茲之後，佢將呱啦交託俾哈利、榮恩同妙麗代佢照顧。令佢哋驚訝嘅係，當佢哋三個發現自己正喺度同嗰度嘅半人馬族群嘅衝突入面被困喺森林期間，呱啦去咗搵海格嗰陣佢叫海格做「哈格」，無意中就將成班半人馬嘅注意力喺哈利同妙麗身上轉移咗去佢身上。呱啦喺《哈利波特：混血王子的背叛》裡面轉到去山上面生活，明顯佢嘅進步仲要好好多。呱啦後嚟同海格一齊出席咗鄧不利多嘅葬禮，當時佢著住穿着正式得體嘅服裝，佢喺嗰度比之前更加文雅同平靜。當佢拍吓海格嘅頭安慰佢嗰時，佢似乎都理解到人哋嘅情緒，至少喺某種程度上係咁樣。

喺《哈利波特：死神的聖物》裡面，海格、呱啦同埋牙牙喺海格舉辦嘅「支持哈利波特」派對之後就匿埋，呢個暗示咗呱啦幫佢哋所有人走佬。呱啦係霍格華茲大戰入面唯一參戰嘅巨人，呢個可能係為咗保護海格（因為佢喺同食死人嗰邊嘅巨人作戰嗰陣成日嗌佢個名）。呱啦後嚟都有參加佛地魔戰敗嘅勝利慶祝活動，不過佢因為體型太大而入唔到去交誼廳，所以佢要由窗口望入去，而霍格華茲嗰啲學生就透過將啲嘢食掉deu6入去佢笑住嘅嘴裡面嚟表達佢哋嘅感激之情。

喺第五輯小說嘅改編電影入面，安德魯·懷特哈德Andrew Whitehead為咗呢套戲用咗年半嘅時間嚟製作巨型嘅呱啦，呱啦一角係由東尼·莫茲利配音同埋做動作捕捉，而呱啦係用咗電腦合成影像入面嚟自圖像指標Image Metrics嘅新靈魂捕捉soul capturing過程嚟製作嘅。

相關情節

1942年，霍格華茲入面嘅密室俾少年時期嘅湯姆·瑞斗打開咗，但係佢嫁禍俾當時係佢同學嘅海格，搞到海格因為咁而被踢出校。當時海格所屬嘅學院教授鄧不利多勸校方俾佢留低做獵場看守人。喺佛地魔第一次倒台之後，海格就係喺第一輯電影開頭揸住架魔法電單車護送哈利去到德思禮家嗰個人，佢亦都係10幾年之後親手將霍格華茲嘅入學邀請函交俾哈利嘅嗰個。

神秘的魔法石

内文：哈利波特：神秘的魔法石同哈利波特：神秘的魔法石 (電影)

海格係喺第一輯小說嘅開篇入面介紹出場嘅人物。隨住詹姆·波特同埋莉莉·波特過咗身之後，阿不思·鄧不利多委託海格喺波特夫婦嘅屋企度救出俾佛地魔謀殺失敗嘅BB仔—哈利·波特。當麥教授表達咗佢對海格將哈利帶去德思禮家嘅事實上嘅擔憂嗰陣，鄧不利多指佢會用自己條命去為海格做擔保。呢個事實喺嗰個系列入面得到幾次證明，而鄧不利多亦都成日要求佢去執行秘密任務。10年之後，海格有任務係要將魔法石由古靈閣帶返去霍格華茲，仲提供咗三頭巨犬毛毛嚟守衛。鄧不利多仲將去搵哈利·波特嘅任務交俾佢，要幫哈利搵到自己喺魔法世界嘅定位，仲要同佢去買入學嗰陣需要嘅嘢。

海格係哈利開始佢喺霍格華茲開始佢嘅校園生活之前第一個識得嘅霍格華茲教職員。海格後嚟亦都同榮恩·衛斯理同妙麗·格蘭傑做咗朋友。一個戴頭巾嘅人（奎若教授）喺小說嘅後來用一隻龍蛋嚟引出關於毛毛嘅細節。海格向佢哋三個透露擺脫毛毛嘅辦法就係播音樂，佢哋就用海格幫哈利雕製嘅長笛嚟等佢哋去追捕匿埋嘅賊仔。等嗰粒龍蛋孵化咗之後，佢哋三個就幫海格去將嗰條龍B蘿蔔送去榮恩嘅二佬—查理·衛斯理喺羅馬尼亞做嘢嘅一個龍保護區裡面。

消失的密室

内文：哈利波特：消失的密室同哈利波特：消失的密室 (電影)

讀者首先喺第二輯小說入面發現到海格當年俾霍格華茲踢出校嘅原因。劇情透露咗海格同後來成為咗佛地魔嘅巫師湯姆·瑞斗Tom Riddle喺當年一樣都係霍格華茲嘅學生。海格喺三年級嗰陣由於被捉到養咗一隻有危險性嘅八眼巨蛛—阿辣哥，而因為八眼巨蛛被認為就係「史萊哲林嘅怪物」，而海格被指喺消失的密室入面將佢放咗出嚟，仲俾佢去攻擊其他學生，當時嘅呢種情況似乎比已經好嚴重嘅犯錯更加衰，結果呢件事搞到海格喺事後俾學校開除咗。阿辣哥後嚟走甩去到黑森林，佢仲開始去擴展自己嘅蜘蛛群。當年真正犯罪嘅湯姆·瑞斗一直向海格灌輸有罪嘅概念，由於佢唔想返去原本嚟自嘅孤兒院，所以佢一直利用真正嘅怪物（蛇妖）去攻擊學生，嚟到陷害海格去阻止學校閂門。

喺第二輯小說嘅事件入面，蛇妖又再俾人放咗出嚟，海格又再被認為應該要嗰次襲擊負責而被送去阿茲卡班監獄。不過海格喺被捕前話俾哈利同榮恩知「跟住蜘蛛走」，咁樣佢哋就可以搵到阿辣哥，仲可以搵得出找出真正怪物嘅身份。當哈利喺消失的密室度打低咗蛇妖仲揭露咗真相之後，海格先至可以喺監獄度釋放出嚟。

阿茲卡班的逃犯

内文：哈利波特：阿茲卡班的逃犯同哈利波特：阿茲卡班的逃犯 (電影)

根據鄧不利多嘅講法，奇獸飼育學嘅前教授西納華·焦壺Silvanus Kettleburn由於想花啲時間去照顧佢淨低嘅四肢而辭職退休，加上海格熟悉魔法動物，所以鄧不利多喺第三輯小說入面任命佢做嗰科嘅教授。由於海格喺過去嘅污名喺上一輯小說同電影嘅事件入面被清除咗，所以之後就准佢去施魔法。海格好鍾意去養唔少兇猛嘅生物，仲喺唔考慮風險嘅情況下喺佢自己嘅奇獸飼育學課堂度展示俾學生睇，呢個行為令唔少學生覺得好驚，淨係得哈利、榮恩同妙麗等等少數學生認同呢種教學方式，仲幫海格去收拾殘局。

海格喺佢嘅第一堂上面，佢同三年級嘅學生介紹咗一種由佢飼養嘅魔法動物—鷹馬巴嘴Buckbeak，不過巴嘴喺故事裡面受到跩哥·馬份侮辱而向佢攻擊。就算鄧不利多諗方法去證明海格係無辜嘅，不過魔法部都係要將巴嘴判死刑。海格嘅課堂因為咁而變得非常之無聊，哈利、榮恩同妙麗花咗啲時間去搵可以幫到海格去為巴嘴辯護嘅資料。妙麗同哈利喺小說同電影嘅尾聲用咗{{Link-zh|時光器|哈利波特中的魔法物品#時光器]]嚟將巴嘴喺死刑之中拯救返嚟，仲喺催狂魔手上拯救咗天狼星·布萊克，令佢唔洗去接受催狂魔之吻Dementor's Kiss嘅極刑。

火盃的考驗

内文：哈利波特：火盃的考驗同哈利波特：火盃的考驗 (電影)

海格喺第四輯小說同電影入面揭示咗佢係由一個巫師同女性巨人傅污髮Fridwulfa所生嘅混血兒，海格阿媽喺海格仲係BB嗰陣就離家出走。由於巨人出晒名係殘暴，佢哋仲曾經係佛地魔嘅盟友，所以海格就對自己嘅出身保密，仲由得其他人去諗佢身型咁大份嘅其他原因（例如佢喺唔需要嗰陣飲晒成樽生骨藥Skele-Gro）。

海格嘅出身後嚟由麗塔·史譏喺《預言家日報》入面被揭露出嚟，後者因為佢對攻擊性生物嘅迷戀而形容佢做危險同埋唔能夠勝任嘅人。海格因為咁而受到嚴重嘅影響，仲試過辭咗佢教授嘅職務，不過鄧不利多唔接受佢嘅請辭。海格喺嗰輯小說同電影度同另一個半巨人女巫—歐琳·美心Olympe Maxime產生咗浪漫嘅情感，對方係代表法國魔法學校去到霍格華茲參加三巫鬥法大賽嘅法國波巴洞魔法學校嘅校長。

海格亦都係極少數由一開始就信哈利話自己無將佢個名掉deu6落三巫鬥法大賽火盃裡面嘅其中一個人。喺嗰輯小說嘅後來，由小巴堤·柯羅奇假冒嘅阿拉特·穆敵建議海格應該要向哈利展示吓嗰個比賽嘅第一項任務將會涉及到龍。海格仲為第三項任務提供咗爆尾釘蝦。

鳳凰會的密令

内文：哈利波特：火盃的考驗同哈利波特：火盃的考驗 (電影)

海格喺第五輯小說嘅第一部分入面都唔喺度。呢個角色後嚟向哈利三人組透露，佢同美心夫人一齊穿越歐洲去執行鳳凰會嘅任務，佢哋計劃去搵啲巨人仲說服佢哋同善良嗰一邊嚟同鄧不利多結盟；不過，食死人亦都搵到啲巨人仲諗辦法將佢哋帶到去佛地魔身邊。海格同美心夫人做咗巫師同巨人之間嘅使者，不過海格喺任務入面俾啲巨人襲擊，佢俾美心夫人救咗。由於海格已經搵到佢嘅同母異父細佬呱啦仲試吓將佢帶返屋企，不過希望同啲巨人喺埋一齊嘅呱啦令海格受咗重傷，咁樣搞到美心夫人對呱啦覺得好忟憎，佢哋兩個因為咁樣最後踏上咗各自返屋企嘅旅程。海格將佢嘅同母異父細佬—呱啦介紹俾哈利同妙麗去識，仲拜託佢哋兩個喺自己離開霍格華茲嗰陣時照顧呱啦。

負責監督住學校裡面所有教職員（包括海格在內）嘅霍格華茲高級調查官—桃樂絲·恩不里居，由於海格係個半巨人，而且佢同鄧不利多嘅關係好密切，令到對於非人類存有極大偏見嘅恩不里居想去搵藉口嚟將佢炒魷魚。恩不里居同其他魔法部官員試過將海格拉咗，佢後嚟諗辦法走甩咗，但係麥教授就喺試吓保護佢嗰陣受傷。最後，隨住鄧不利多恢復返佢校長嘅職位，海格亦都返到去霍格華茲。

混血王子的背叛

内文：哈利波特：混血王子的背叛同哈利波特：混血王子的背叛 (電影)

海格喺第六輯小說入面對哈利三人組覺得既嬲又失望，因為佢哋都唔再係奇獸飼育學嘅學生，但係佢好快就意識到呢個並唔係因為佢哋唔鍾意佢。八眼巨蛛阿辣哥喺呢輯小說嘅後嚟死咗，海格冒住生命危險去搵返佢條屍嚟幫佢搞一場正式嘅葬禮。海格同赫瑞司·史拉轟喺葬禮完咗之後飲咗過量嘅火焰威士忌Firewhisky，哈利於是趁住呢種情況（喺幸運藥福來福喜嘅影響下），喺史拉轟身上攞到一段記憶。食死人喺嗰輯小說嘅尾聲對霍格華茲作出襲擊嗰時，海格間屋仔喺佢嘗試同佢哋作戰嗰陣被點著火，後嚟佢喺哈利嘅協助之下用魔法將啲火焰沐熄咗。海格喺鄧不利多嘅葬禮上面，佢被見到佢正喺度抬住校長嘅遺體。

死神的聖物

内文：哈利波特：死神的聖物、哈利波特：死神的聖物1同哈利波特：死神的聖物2

海格喺第七輯亦都係最後一輯小說入面成為咗復興後嘅鳳凰會成員，佢仲被派作為將哈利喺德思禮家護送去到受魔法保護嘅洞穴屋嘅先遣隊成員。海格帶住哈利坐住佢喺天狼星·布萊克嗰度繼承落嚟嘅魔法電單車，但係佢哋嘅計劃喺先遣隊俾食死人伏擊嗰陣出現咗差池。喺俾佛地魔本人襲擊之後，佢哋兩個勉強咁去到達洞穴屋。海格喺出席咗比爾·衛斯理同花兒·戴樂古嘅婚宴之後，佢直至接近小說嘅尾聲先至再出現，據透露佢當時俾霍格華茲新政權下嘅食死人驅趕去到山入面匿埋。

佛地魔控制住魔法部嘅期間積極咁追捕住非人類同半巨人，海格因為咁就帶埋呱啦一齊走佬去到一個山窿裡面匿埋。喺電影高潮嘅霍格華茲大戰嘅戰鬥入面，海格試吓去保護俾食死人趕出咗禁忌森林嘅一班阿辣哥肉食性子孫，不過佢哋而家唔理三七廿一咁攻擊霍格華茲嘅守衛者同食死人，不過海格被一班人帶走咗。當哈利準備向佛地魔自我犧牲嗰時，海格喺後來出現喺食死人嘅陣營裡面，當時佢成為咗被俘虜嘅人。海格被迫將哈利抱返去霍格華茲，當時佢並無意識到哈利其實無死到，佢仲喺途中指責喺側邊睇住嘅半人馬都唔幫吓佢哋。半人馬喺無幾耐之後加入咗霍格華茲嘅戰鬥，海格亦都參與咗後半場戰鬥，仲殺死埋食死人當中佢嘅主要敵人—曾經差啲將巴嘴處決嘅魔法生物劊子手—瓦頓·麥奈。

根據羅琳嘅講法，讀者喺最後一輯小說入面睇到海格帶住哈利明顯已經死咗嘅屍體嗰個場景係非常之重要嘅，因為「海格喺德思禮家將哈利帶到入去魔法世界...佢係哈利嘅守護者同嚮導...而家我想俾海格成為帶領哈利行出森林嘅嗰個」。羅琳仲評論指話海格從來都無遇到要死嘅危險，因為佢自己「喺腦海裡面一直都有龐大身形嘅海格懷裡面抱實哈利喊住咁行過森林嘅畫面」。

後記

喺佛地魔被戰敗嘅19年之後，海格仲喺霍格華茲做嘢，呢個意味咗佢喺霍格華茲大戰完咗之後返番去教書嘅職業，佢仲邀請哈利同金妮嘅細仔——阿不思·賽佛勒斯·波特去佢間屋仔嗰度飲茶，就好似佢同哈利本人喺當年咁樣，呢個暗示咗佢同哈利嘅關係仍然係好親近。

羅琳喺2007年嘅一次訪問入面被問到海格係咪已經結婚嗰時，佢答嗰陣指海格同一個女巨人建立咗關係，但係後嚟無成功到。

寵物

海格飼養咗各種各樣嘅寵物，入面包括咗一啲巫師界認為唔可能馴化嘅動物，但佢哋並唔係成日都係錯嘅。
羅琳曾經講過就算海格有一隻身形大隻但驚青細膽嘅獵豬犬牙牙，但係由於佢覺得無乜挑戰，所以佢對馴服魔法生物嘅興趣唔大。
海格對於危險魔法生物嘅熱愛係佢喺嗰個系列小說情節嘅核心。

阿辣哥

海格所養嘅寵物蜘蛛阿辣哥。

内文：阿辣哥

阿辣哥Aragog係一隻八眼巨蛛，佢係一隻巨型、識得講人話，而且有知覺好得人驚嘅蜘蛛怪物。當佢郁緊去搵獵物嗰陣，佢會發出獨特嘅咔噠聲。

海格喺佢霍格華茲嘅學生時代將阿辣哥由蜘蛛卵度湊大，海格仲將佢韞wan1住喺櫥櫃裡面。喺霍格華茲三年級嗰陣，湯姆·瑞斗發現海格喺地牢入面同阿辣哥傾計，佢話阿辣哥就係「史萊哲林嘅怪物」，仲屈海格打開咗消失的密室。事實上，瑞斗先至係打開密室嗰個人，而「史萊哲林嘅怪物」實際上係一條蛇妖。

喺海格被逐出霍格華茲仲被任命做獵場看守人之後，阿辣哥就住喺禁忌森林裡面。海格幫佢搵到一個伴侶——莫薩格Mosag，阿辣哥就同佢一齊生咗一大群嘅巨型蜘蛛子孫。阿辣哥成世都對海格心存感激，仲喺佢每次帶食物嚟探佢同埋佢屋企人嗰陣時阻止佢嘅肉食性子子孫孫去攻擊佢。海格喺《哈利波特：消失的密室》入面將一個秘密嘅建議話俾哈利同榮恩：跟住啲蜘蛛走，嚟到將佢哋兩個帶到去阿辣哥嗰度。就算哈利同榮恩係海格嘅朋友都好，不過阿辣哥對海格嗰種禮貌並無擴展到其他人類。當年老嘅阿辣哥向哈利同榮恩揭露海格嘅清白，仲有喺女生浴室入面發現嘅女仔屍體嘅事，然後向佢哋提供咗密室常駐怪物嘅線索—佢喺霍格華茲城堡裡面出世。就算海格曾經問過幾次，不過由於佢哋對嗰樣嘢嘅恐懼，搞到佢哋嗰個物種從來都唔講呢個生物，亦都無俾個名出嚟。雖然阿辣哥容許佢嘅蜘蛛子子孫孫攻擊哈利、榮恩同埋牙牙，但係佢哋仨個仲係喺最後一刻得到榮恩老豆嘅飛天汽車拯救咗出嚟，而呢架魔法汽車喺幾個月之前就喺禁忌森林裡面失咗蹤。

阿辣哥留喺禁忌森林裡面過埋下半世，但係佢最後喺《哈利波特：混血王子的背叛》入面因為年老而過身。海格由於驚佢啲蜘蛛子孫會將阿辣哥嘅身體吞噬而將阿辣哥嘅遺體喺森林裡面攞返嚟。蜘蛛群自從嗰時起成為咗海格喺禁忌森林入面唯一一個無辦法安全入到去嘅地方。阿辣哥嘅子孫喺霍格華茲大戰期間返到去嗰度；喺佢哋被趕出禁忌森林之後，佢哋開始唔理三七廿一咁攻擊食死人同埋霍格華茲嘅師生。海格因為佢對蜘蛛嘅熱愛令佢嘗試去保護佢哋，因為咁就令佢同其他人都處於危險之中。啲蜘蛛通過將海格捉住仲將佢帶到去佛地魔面前嚟表示感謝。佢哋後來點樣就唔知喇。

喺改編電影《哈利波特：消失的密室》入面，阿辣哥嘅角色係由朱利安·格洛佛聲演。2017年，為咗慶祝《哈利波特》系列20週年，蛛形動物學家安東·A·納多尼Anton A. Nadolny同埋阿里雷薩·紮馬尼Alireza Zamani用咗「阿辣哥」嘅名去幫狼蛛科嘅一種新嘅伊朗狼蛛物種嚟命名，叫做「阿辣哥狼蛛Lycosa aragogi」。嗰個物種嘅單個標本喺2016年4月26號採集到，距離阿辣哥死咗只係19年多啲（小說裡面嘅世界係1997年4月20號）。

巴嘴

鷹馬巴嘴。

内文：巴嘴

巴嘴Buckbeak喺《哈利波特：阿茲卡班的逃犯》裡面係一隻鷹馬Hippogriff，佢同其他嘅11隻鷹馬一齊喺海格嘅奇獸飼育學課堂上被介紹出嚟。海格解釋話，鷹馬係一種非常咁冷靜、強大、驕傲嘅生物，但佢哋非常之敏感同埋需要被尊重。哈利成功咁接近到巴嘴，巴嘴亦都俾佢騎住嚟圍繞霍格華茲去飛。跩哥·馬份亦都努力咁去接近巴嘴，不過佢既唔聽亦都唔關心海格對於巴嘴嘅警告，佢傲慢咁試吓表現出佢係學校裡面反派嘅行為，咁樣好明顯好快就令到巴嘴嬲咗，搞到巴嘴用佢嘅爪搲we2穿咗跩哥嘅手臂。扮成受傷比實際上嚴重得多嘅跩哥，佢說服佢老豆魯休斯·馬份利用佢嘅政治權力去將巴嘴判處死刑。海格做咗幾次上訴都結果都失敗，處置危險動物委員會嘅成員結果嚟到霍格華茲將巴嘴進行處決。妙麗同哈利後嚟透過利用時光器嚟釋放咗巴嘴（劊子手喺電影入面將佢嘅斧頭揮向南瓜），仲喺天狼星·布萊克喺移交俾催狂魔之前將佢韞住喺佢嘅塔樓入面救咗出嚟，跟住之後天狼星就帶住巴嘴走佬仲飛去安全嘅地方。

天狼星同巴嘴喺哈利四年級嘅大部分時間入面都匿埋喺活米村山丘上面嘅一個洞穴裡面。佢哋兩個後嚟搬到去古里某街12號，巴嘴就住喺天狼星阿媽以前間房度。巴嘴後嚟俾怪角打傷嚟引誘天狼星暫時離開嗰度。

哈利喺《哈利波特：混血王子的背叛》入面繼承咗天狼星嘅全部遺產，入面包括咗巴嘴嘅擁有權，哈利亦都俾海格可以再照顧佢。為咗避免魔法部嘅懷疑，巴嘴有另一個別名叫做「枯翅Witherwings」。作為一個非常之忠誠嘅生物，巴嘴喺嗰輯小說嘅結尾透過揈fang4佢嘅爪嚟將賽佛勒斯·石內卜喺哈利身邊趕走。巴嘴亦都出現喺《哈利波特：死神的聖物》尾聲嘅霍格華茲大戰入面，佢率領住霍格華茲嘅騎士墮鬼馬去對抗佛地魔陣營嘅巨人。

牙牙

牙牙Fang係海格養嘅一隻大型嘅野豬獵犬（電影裡面由那不勒斯獒犬扮演嘅），佢除咗體型好大隻之外，佢似乎係一隻完全好普通嘅狗。雖然牙牙嘅外表好得人驚，但好似海格咁講，佢係「一隻抵死嘅無膽鬼」。牙牙對海格十分之忠誠，佢好鍾意熱鬧同埋愛住佢識得嘅人，仲似乎好鍾意舔lem2哈利、榮恩或者妙麗塊面或耳仔周圍。

牙牙喺《哈利波特：神秘的魔法石》入面，佢陪埋哈利、妙麗、跩哥·馬份同海格入去禁忌森林去搵受咗傷嘅獨角獸；哈利同榮恩喺跟住落嚟嘅《哈利波特：消失的密室]]》入面帶住牙牙入去禁忌森林，牙牙對嗰度嘅巨型八眼巨蛛同埋衛斯理先生嘅飛天汽車都覺得驚。一個正喺度走佬嘅食死人喺《哈利波特：混血王子的背叛》入面點火將海格嘅屋仔燒毀，而嗰陣時牙牙喺屋裡面，海格即刻跑入燒著咗嘅屋裡面將佢揈fing6到膊頭上面救佢出嚟，仲將佢帶到去安全嘅地方。後嚟牙牙跟住海格參與咗《哈利波特：死神的聖物》尾聲嘅霍格華茲大戰，不過牙牙嘅確實參與狀況就唔清楚；佢最後一次俾人見到嘅情況就係佢俾一個跌爛咗嘅花樽嚇親之後走咗去。呢個暗示住牙牙無死到，因為見唔到海格喺任何時候為咗佢而哀悼。而家仲未知道當哈利啲仔女嚟到霍格華茲嗰陣，牙牙係咪仲喺度。

毛毛

三頭巨犬—毛毛。

毛毛Fluffy係海格提供俾霍格華茲用嚟駐守喺通去收埋咗魔法石嘅地下室活板門嘅一隻三頭巨犬，用嚟保護魔法石。佢嘅角色改編自希臘神話裡面用嚟守衛住通去冥界大門嘅三頭犬—克爾柏洛斯，佢俾奧菲斯嘅音樂氹住就瞓得著。

雖然毛毛好兇猛，唯一已知能夠擺脫毛毛嘅辦法就係透過播音樂嚟氹佢瞓覺（就好似克爾柏洛斯咁樣），奎若教授就係喺飲醉咗嘅海格口裡面擢zok6到呢個秘密。

哈利、榮恩、妙麗同埋奈威·隆巴頓喺《神秘的魔法石》嗰時為咗避咗將佢哋交俾正喺度搵緊佢哋嚟交俾學校管理員飛鼠先生嘅皮皮鬼嗰陣時，咁樣搞到佢哋唔小心走咗入去毛毛間房度仲撞見佢，佢哋幾個都俾佢嚇親。喺萬聖節嗰日，哈利同榮恩曾經睇住石內卜走入去毛毛間房度，然後喺跟住落嚟嘅幾日裡面見到佢好明顯咁跛住嚟行路。哈利仲喺無意中聽到佢同飛鼠先生講：「你打算點樣同時盯實佢哋三個腦袋？」不過，佢後來被發現跟住黑魔法防禦術教授奎若入去嗰間房。當毛毛喺度守衛魔法石嗰時，奎若教授透過彈奏豎琴嚟突破毛毛嘅防禦而入去活板門；而哈利就用咗海格俾佢嘅長笛。羅琳後嚟透露，鄧不利多喺魔法石事件完咗之後，佢將毛毛送返去希臘。

蘿蔔

海格喺陌生人手上得到嘅一隻龍蛋。

喺巴黎嘅《哈利波特展》上展出咗海格小屋裡面收埋咗蘿蔔嘅龍蛋。

蘿蔔Norbert係一條挪威脊背龍，佢係嚟自海格喺豬頭酒吧嗰度嘅一個神秘而戴住兜帽嘅蒙面陌生人（實際上佢係奎若教授）手上得到嘅一隻龍蛋。海格後嚟幫龍蛋孵化，一條幼龍喺蛋裡面孵化出嚟，海格將佢改名做「蘿蔔Norbert」。喺跟住落嚟嗰幾個禮拜入面，蘿蔔嘅身體已經生得好大隻，仲變得非常之危險，佢咬咗落去榮恩隻手度，由於佢啲毒牙裡面嘅毒液搞到榮恩需要去治療。哈利、榮恩和妙麗好唔容易先至喺最後說服到海格將蘿蔔交俾榮恩阿哥查理·衛斯理，而查理當時正喺羅馬尼亞研究龍呢種生物。

幾年之後，查理喺《死神的聖物》入面向海格透露，蘿蔔實際上係雌性，所以改名做蘿蔔塔Norberta；查理亦都喺比爾同花兒嘅婚禮上將呢件事話俾哈利佢哋三個知，查理補充話雌性嘅龍比雄性「仲惡毒......」，呢個就解釋咗蘿蔔喺細個嗰時嘅咬人同危險行為。