Carousell

Carousell Pte. Ltd.

類型	私人公司
總部地址	星加坡
業務地區	東南亞、 台灣、香港、澳門、 澳洲、紐西蘭、加拿大
緊要人物	Quek Siu Rui (CEO) Lucas Ngoo (CTO)
產業	E-commerce
員工人數	201 - 500（全球）
網址	Carousell香港

Carousell，花名旋轉拍賣，係一間星加坡跨國企業，佢提供手機同電腦版嘅C2C以及B2C平台畀人賣一手同二手產品，總部設喺星加坡。Carousell適合iOS同Android設備。

Carousell喺2012年5月推出，並由郭修瑞、吳承翰、陳翊偉都喺星加坡創立。

特色

評分系統

旋轉拍賣交易評分系統，供買賣兩方互相評分同埋評論，但就無得回應對方評價，得有限度編緝評論，追加「後續評價」。所有評價都無得事後改同埋收返。除非少數情況違規或者官方特殊介入真係稀少性。 缺透明地方係，要互相評分先看到對方評分。 缺公平地方係，只有買家先可以喺評語中加入圖片。賣家就唔可以。

拍賣之名名同實

雖然叫旋轉拍賣、旋拍賣，但係佢同香港雅虎個拍賣、ebay或者現實拍賣好大分別。Carousell賣方好多時定好實價，或者貨品價格設置「免費」。買家可透過系統輸入較低價格（壓價）。即係佢未算得上係網上拍賣競價系統，無叫價，拍賣時限，同埋成交價術語同埋玩法。而且買家會留言私下壓價，全無透明度，買家唔知有無其他人參與。

部份收費方式

• 旋轉幣：取代真錢，用以交各種費用，開通特權。
• 推薦：各種消費，「蹦廣告」增加置頂機會，「熱門聚焦」強化相關搜尋結果，「賣場宣傳」一次展示多個商品。
• 商品數限額：Carousell設有免費刊登限額，電腦周邊及配件頁只有 5插槽可使用，甚至手機區只得 2個機會。如果賣方已經用完刊登限額，金錢就令佢增加限額以上架更多商品。無交錢，多出商品會變成「非活躍狀態」，即隱藏佢。
• 回覆數量將設限額：Carousell試圖於賣方回覆數量上加入收費設定。
• 旋轉拍賣商務版：分月費同年費，當中各自有四個收費計劃，年費由$690至7494都有。

香港Carousell事故

騙徒同埋規矩問題

差人話，單就2023年開頭兩個月，已接報31位用戶騙案，涉金額港幣39萬元。Carousell雖然有調解糾紛機制，但係無主動假貨審查，同埋無權下令退貨。

前香港董事總經理涉襲擊案

2023年10月15號。太古城康怡花園入面走廊有一女子黃慧堯遭到襲擊。期後，涉案人係Carousell旋轉拍賣前香港董事總經理葉承浩，而家告一項普通襲擊罪。葉承浩做過Paypal香港行政總裁，2019年先至加入旋轉拍賣，成為香港區董事總經理，負責香港整體業務發展策略。現已離任。

32萬香港用戶資料外洩

有人網上賣260萬個Carousell用戶資料，當中有香港用戶32萬個。Carousell話自己2022年1月系統遷移過程做出漏洞。私隱公署指責Carousell犯下多個缺失，專員鍾麗玲形容事件嚴重：「揭示咗 Carousell喺保障集團持有個人資料安全方面，係犯咗基本性失誤，實在令人非常失望。」

連登人評價

「賣家回覆限額制」

Carousell指：「賣家嘅回覆限額每個月會喺固定嘅日期更新，具體日期取決於首次使用限額嘅日期。如果首次使用限額嘅日期係任意一個月嘅31日，咁限額將預設喺每個月最後一日更新。」

連登人批評Carousell由2023年12月11號開始，每位賣家每個月回覆數量將設限額。評論指Carousell有好多所謂買家吹水居多，出去面交又多「放飛機」，網站限制未必賺錢，反而會「趕客」。有人直言香港雅虎個雅虎拍賣搞得好地地，就係收錢先至「玩死自己」。

英雄聯盟代打中伏跌錢

有網友為自己遊戲帳號「買代打服務」，遭到再三收費並懷疑受騙。佢上連登求助時，引瘋狂留言嘲諷「人傻錢多」。

出面網站

Carousell嘅facebook頁