一百二十八分音符

出自維基百科,自由嘅百科全書
跳去: 定向搵嘢
貝多芬響佢第八鋼琴奏鳴曲第一樂章用到一百二十八分音符。

音樂上,一百二十八分音符音長全音符一百二十八分之一。佢長度係六十四分音符一半。佢個樣係實心卵形,加支柄,柄尾右面加五條尾。如果響中間綫以上,柄向下,五條尾彎上。中間綫或者以下,柄向上,五條尾彎落。如果有幾個八分音符或者十六分音符或卅二分音符音或六十四分音符或一百二十八分音符,就會唔畫條尾,每條尾改用支擔連住。

一百二十八分音符響音樂上好少用,通常係用響好慢嘅樂章。一百二十八分音符就可以令到篇音樂變到好快。有時寫咗串一百二十八分音符,實際上係只係表示好快,表演人可以唔使死跟住樂譜速度,自己去調節。響呢啲情況,有時都會有標明。呢個音符重有一種用法,就係裝飾音

一百二十八分休止符係同一百二十八分音符咁長嘅休止符,個樣似個五細7字上下連埋,不過係極之少見,有時畀人用來做吸氣符號。

一百二十八分音符英文寫成hundred twenty-eighth note或者semihemidemisemiquaver或者quasihemidemisemiquaver