企鵝

出自維基百科,自由嘅百科全書
跳去: 定向搵嘢
en:Wikipedia:How to read a taxoboxHow to read a taxobox
企鵝
化石年代:古新世至今
黃眼企鵝 Megadyptes antipodes
黃眼企鵝 Megadyptes antipodes
物種分類
動物界 Animalia
脊索動物門 Chordata
鳥綱 Aves
企鵝目 Sphenisciformes
Sharpe, 1891
企鵝科 Spheniscidae
Bonaparte, 1831

王企鵝屬 Aptenodytes
冠企鵝屬 Eudyptes
小藍企鵝屬 Eudyptula
黃眼企鵝屬 Megadyptes
阿德利企鵝屬 Pygoscelis
環企鵝屬 Spheniscus

企鵝學名Spheniscidae)係一種唔識飛嘅,屬於企鵝目,企鵝科。

企鵝主要生活喺南半球,目前已知全世界嘅企鵝共有十七或十八種,多數分佈喺南極地區,而其中環企鵝屬嘅漢波德企鵝麥哲倫企鵝黑腳企鵝分佈喺緯度較低嘅溫帶地區,至於加拉帕戈斯企鵝嘅分佈就更接近赤道;完全生活喺極地嘅只有皇帝企鵝阿德利企鵝兩種。

特徵[編輯]

企鵝可以講係而家最唔怕凍嘅鳥類。佢全身羽毛密佈,而且皮下脂肪厚達二至三公分,呢種特殊嘅生理構造,令佢喺-60℃嘅冰天雪地中,仍然能夠自在生活。

曾分佈喺北極地區、現已滅絕嘅大海雀可能同企鵝一樣耐寒,而且兩者外表相似,曾經俾人誤認有親緣關係,令到喺發現企鵝時歐洲人對企鵝命名亦相似。

企鵝擁有其他鳥類嘅共同特徵:身上擁有羽毛、尖而突出嘅堅硬嘅喙同有爪同鱗片嘅雙腳。但同其他鳥類唔同,佢哋無發達嘅翼,令佢哋飛唔到,亦唔似其他唔識飛嘅走禽(好似鴕鳥),因為身型肥而唔擅長奔跑。但企鵝嘅趾間有蹼,翅膀亦演化至槳狀。噉嘅身體結構令企鵝成為善泳嘅動物。

喺陸地上嘅企鵝都係企嘅,就係行路,大部分時間係像好似人咁用雙腳行路,但係由於身型肥,佢哋行路時都顯得好笨拙。喺冰天雪地下,如果被捕獵者追捕時,佢哋會全身向前俯伏喺地下,用個肚貼住冰地,並用雙腳推動,快速逃走。

生活習性[編輯]

企鵝嘅住處[編輯]

企鵝通常住喺赤道以南,人跡罕至嘅地方先至見到佢哋。有啲企鵝住喺寒冷地方,有啲企鵝住喺熱帶地方。但企鵝其實並唔鍾意熱天氣,只有喺寒冷嘅氣候,佢哋先會快活。所以,喺遙遠嘅南極洲沿岸冰冷嘅洋度,嗰度住得最多企鵝。

企鵝嘅身體[編輯]

企鵝睇落唔似雀,佢哋隻翼變成鰭狀肢,身體呈流線型,能夠輕快咁喺水入面遊來遊去。企鵝身上覆蓋住一層厚厚嘅防水羽毛。喺呢層羽下有一層比較柔軟嘅絨羽可以保暖。此外,佢哋嘅皮膚下面重有一層脂肪,亦能防止體溫散失。

所有嘅企鵝身上都有類似嘅黑白花紋,呢啲花紋令佢哋嘅求偶展示顯得更加醒目。

企鵝嘅覓食[編輯]

企鵝喺海中覓食,必要時,佢哋亦會潛落水搵食。皇帝企鵝係潛得最深嘅企鵝。佢哋能潛到二百五十公尺深嘅水中搵食,並喺水底停留二十分鐘。佢哋個胃好大,佢哋可以離家好遠嘅地方食得飽飽嘅,然後遊返去餵仔。

喺海度,企鵝非常靈活,重可以潛入水中達565米深、22分鐘咁耐,亦能遊出離岸6-12公里遠,以捕食小魚、磷蝦等。

分類[編輯]

企鵝目 Sphenisciformes

[編輯]

睇埋[編輯]

出面網頁[編輯]