伊波拉出血熱

出自維基百科,自由嘅百科全書
跳去: 定向搵嘢
伊波拉出血熱病人

伊波拉出血熱粵讀ji1 bo1 laai1 ceot1 hyut3 ji6英文Ebola virus disease;簡稱EVDEHF),又叫伊波拉病毒出血熱ji1 bo1 laai1 beng6 duk6 ceot1 hyut3 ji6)、伊波拉病毒病ji1 bo1 laai1 beng6 duk6 beng6),係隻因為感染到伊波拉病毒而發起嘅,死亡率去到50%——90%(其中人類感染咗呢種病之後,有九成嘅死亡率)[1]。呢種病最先出喺非洲亞洲森林入面。

[編輯]

內文: 伊波拉河

喺1976年嘅伊波拉嗰邊,有種唔知乜名嘅病毒殺到呢度,結果佢就猛咁殺咗伊波拉河邊55個村嘅人,有啲屋入面啲人都冚嗮家剷。由於嗰時,病毒發生喺伊波拉河邊,所以,「伊波拉病毒」嘅名就係咁嚟。

病原體[編輯]

伊波拉出血熱嘅病原體係伊波拉病毒。佢最先喺1976年嗰陣,就喺扎伊爾(而家係剛果民主共和國)入面發現咗。呢種病毒可以通過接觸傳播,而且傳播嘅速度好快。佢係屬生物安全等級四級(BSL-4)嘅病毒。而且有極高嘅生物危險性。

徵狀[編輯]

如估患者一掂到呢隻病毒重搞出咗個病嚟,可以喺24個鐘入面死得。佢嘅早期病徵包括發燒喉嚨痛肌肉痛頭痛,跟住會反胃肚痾,再跟住會功能受損,同埋體內外出血等,跟住發展到血火爆重唔停噉嘔嗮啲體內器官嘅壞死組織出嚟,最後就因為大量內出血等原因而死,而且重死得好難睇[1]。佢同纖維病毒科瑪堡病毒差唔多,有90%嘅死亡率,佢主要係中風心肌梗塞低血容量休克多發性器官衰竭呢啲病,呢種病毒嘅潛伏期係2——21日。

傳染源[編輯]

究竟伊波拉病毒係出喺邊處,而家都重未知。最初俾人話係嚙齒動物,但係做咗實驗之後,好快又話唔係。有實驗人員發現話,感染咗伊波拉病毒之後嘅蝙蝠係唔會死嘅,噉啫係話,傳染源就好有可能係帶病毒快蝙蝠同埋佢疴出嚟嘅屎尿搞出嚟嘅嘢。但呢個凈係推測,重係咪蝙蝠搞搞震嘅,而家重喺度CHECK緊。不過聽話可以通過直接掂到病人嘅屍體或處理病咗或死咗嘅猩猩獼猴等動物而引起;重有嘅係,醫務人員喺護理病人嗰陣,如估唔採取有效嘅個人防護,都會掂到呢種病毒。

同佢有關嘅藥物[編輯]

呢種病到而家為止,既冇有效嘅藥物可以醫,又冇點先至有效噉醫到呢啲噉嘅病。

  1. 1.0 1.1 2014年7月31號 羊城晚報 A4版 右下角