伏匿匿

出自維基百科，自由嘅百科全書

伏匿匿（讀做僕喱喱，粵拼：buk9 lei1 lei1），可以用同音字寫成僕喱喱或者伏喱喱，或者叫捉伊人（讀捉「依因」），又叫捉迷藏、躲貓貓，係種流行嘅細路仔玩意。玩嘅地方最好有好多可以匿埋，好似森林同大屋。

開始嗰陣，全部人集埋；選其中一個人去捉人，先伏埋牆、矇著眼或者用手揜（音黯）眼。其他人就響指定時間內匿埋，捉人嗰個就會數數目（好似 1 到 50 咁），時間一到，佢會大聲哎：「我嚟啦！」，然後去捉返啲人出嚟；玩緊嗰陣，參加者可以四圍走、周圍匿，匿得最耐嘅，就算係贏。遊戲嘅目的係捉晒啲人。

[編輯] 參考

• 俗語趣談
• 伏匿匿，伏伊人
• 童年玩意：百厭星一條 繩玩到癲：蘋果副刊，2007-02-01