佐治五世

出自維基百科,自由嘅百科全書

英王佐治五世George V1865年6月3號1936年1月20號)係英國國王同英屬海外各自治領嘅國王同埋印度皇帝,英王愛德華八世佐治六世嘅老竇,伊利沙伯二世亞爺。

1910年5月6號繼父王愛德華七世嘅位。任內大英帝國領土面積達致顛峰,佢統治接近全球四分之一嘅陸地。一戰期間英國同德國打仗,1917年7月17號宣佈將王室同埋家族個姓由薩克森-哥堡-哥達改為溫莎,以順應國內反德情緒,抹去王室同德意志嘅淵源。駕崩後由大仔愛德華八世繼位。