北極狐

出自維基百科,自由嘅百科全書
跳去: 定向搵嘢
en:Wikipedia:How to read a taxoboxHow to read a taxobox
北極狐
Eisfuchscele4.jpg
瀕危指標
Status iucn3.1 LC.svg
最唔使理(Least Concern) (LC)
物種分類
動物界 Animalia
脊索動物門 Chordata
哺乳綱 Mammalia
食肉目 Carnivora
犬科 Canidae
北極狐屬 Alopex
Kaup, 1829
北極狐 A. lagopus
二元學名
Alopex lagopus
(Linnaeus, 1758)
北極狐嘅分布
北極狐嘅分布
別名

Vulpes lagopus

北極狐(學名:Alopex lagopus)屬於犬科嘅北極狐屬。別名藍狐或者白狐。北極狐額頭同面窄,嘴尖,耳圓,尾毛蓬鬆,尖端白色,身體略細過赤狐。北極狐嘅毛皮響國際毛皮市場上可以話係暢銷嘅高檔商品,因此北極狐成為人類爭相獵捕嘅對象。因為佢隻腳好似野兔腳,所以學名意思解作「有野兔腳的狐狸」之意。

主要特徵[編輯]

北極狐毛皮嘅長又軟且厚,所以北極狐可忍受嚴寒。冬天毛色為白色,夏天就轉為灰黑色。北極狐能夠喺零下 50℃ 嘅冰原上生活。北極狐嘅腳板底上長咗長毛,所以可以響冰天雪地上行走,又唔滑。

雄性北極狐平均體長 55 厘米,尾長 31 厘米,體重 3.8 公斤;雌性 53 厘米,30 厘米,3.1公斤。肩高響 25-30 厘米之間。

飲食[編輯]

北極狐嘅食物包括旅鼠鳥類同雀蛋、果實北極兔,有時仲會漫游海岸捕捉貝類,但主餐多數係旅鼠。當北極狐聞到旅鼠窩嘅氣味或者聽到旅鼠窩裏面啲旅鼠尖叫時,佢就會迅速咁挖掘喺雪下面嘅旅鼠窩,當挖得差唔多時,北極狐會高高咁彈起,藉著跳起嘅力,用腳將旅鼠窩壓扁,然後將窩裏面嘅旅鼠一網打盡。喺極度肚餓嘅情況之下,白狐甚至會自相殘殺。

分佈同習性[編輯]

北極狐分佈於北冰洋沿岸地帶同一啲島嶼上嘅苔原地帶。北極狐喜歡響丘陵地帶築巢,而北極狐嘅巢一般有幾個出入口。當遇到暴風雪時,北極狐可以呆喺竇裏面一連幾日唔出嚟。北極狐年年都為佢嘅巢穴進行一啲維修同擴展,以便長期居住。夏天,當食物多嘅時候,北極狐會將部分嘢食收埋響巢穴裏面。冬天,當巢穴中所儲存嘅食物消食晒嗰陣,白狐會跟蹤北極熊,揀食北極熊所食凈嘅冷飯菜渣。所以冬天時北極熊身後總會有 2 到 3 隻白狐靜雞雞跟蹤。但當北極熊非常肚餓時,佢亦都會攻擊北極狐。

近年,因為氣候暖化,原產溫帶嘅赤狐亦都開始「北上」,因為身型較大,赤狐有能力殺死較細隻嘅北極狐。

繁殖動向[編輯]

香港香港濕地公園現時有北極狐模型,而香港海洋公園響2007年亦有北極狐嘅活體展覽。