𨋢

出自維基百科,自由嘅百科全書
(由升降機跳轉過嚟)
倫敦地鐵底層嘅𨋢。
𨋢掣

𨋢(圖:,係形聲字,粵拼lip1借自英文 lift /lɪft/),又叫做升降機,係打直上落嘅機器,代替樓梯,分為兩種,載人上落同載貨。啲舊式𨋢,道門設計仲未有自動開閂嘅功能,需要自己用手開關外門同內門,新款道門會自動開關。𨋢入邊通常有掣畀你撳,去到你想去嘅嗰層樓。有啲𨋢開門有𡁯一聲,有啲一邊門,有啲兩邊門,有啲有窗口。

[編輯]

以前啲香港人講廣東話用慣英文個「lift」字,未有唐字。之後語言專家創咗個「𨋢」字,車字邊加個「立」字,因爲佢好似架車載人,個「立」字有兩個原因,因爲個「𨋢」字發音有少少似個「粒」(粵拼:lap1),可以做形聲字嘅聲旁,又因爲有人企喺入邊,可以會意。國語地區統稱叫佢做「電梯」[1],但噉叫冇咁易明,因爲搞亂咗兩種唔同嘅機器。𨋢同扶手電梯係兩種唔同嘅類型、概念同原理唔同嘅運輸工具。扶手電梯係用運輸帶原理,有梯級,斜嘅,唔可以垂直,冇門。𨋢就相反,用纜索原理,唔平得,唔斜得,一定要垂直,有門。

睇埋[編輯]


  1. . 原著喺2023年8月18號歸檔. 喺2023年8月18號搵到.