原子核融合

出自維基百科,自由嘅百科全書
跳去: 定向搵嘢

原子核融合,簡稱核融合,又叫做核聚變,係指由質量細(低過)嘅原子核,主要係指氘核或者氚核,喺一定條件下(好似超高溫同埋高壓)黐埋,總質量減少啲,並釋放巨大能量嘅核反應。當原子喺勁高溫同極高壓情況下,最外層電子會被強制脫離形成半電漿態,而係呢一個時候,有啲原子會融合成更高質量嘅原子,不過過程中會流失一部分中子,形成同位素更高既元素。

原子核嘅質量蘊藏巨大能量,原子核嘅變化(由一種原子核變化為另外一種原子核)往往轉成巨大能量釋放出。如果係由重嘅原子核變化為輕嘅原子核,叫核裂變,好似原子彈爆炸;如果係由輕嘅原子核變化為重嘅原子核,叫核聚變,好似太陽發光發熱嘅能量來源。

相比核裂變,核聚變發電幾乎唔會帶來放射性污染等環境問題,因為原子唔似得核裂變咁,喺發出能量嘅同時發放迦瑪射線令自己達至平衡,而且原料可以直接取自海水中嘅氘,來源幾乎取之不盡,係理想嘅能源方式。

目前人類已經可以實現不受控制嘅核聚變,例如氫彈嘅爆炸。但係如果想令能量可以畀人類有效利用,就必須能夠合理控制核聚變嘅速度同埋規模,實現持續、平穩嘅能量輸出。科學家正努力研究點樣控制核聚變,但而家睇嚟重有好長嘅路要行。

喺2005年,部份科學家相信已經成功做出小型嘅核聚變[1],並且得到初步驗證[2]。首個實驗核聚變發電站將選址法國[3]

可控核聚變[編輯]

目前主要嘅幾種可控核聚變方式:

  • 超聲波核聚變
  • 雷射約束(慣性約束)核聚變
  • 磁約束核聚變(托卡馬克)

睇埋[編輯]

出面網頁[編輯]