唐吉訶德
 第四版扉頁 |
|
| 作者 | 米格爾•德•賽萬提斯 |
|---|---|
| 原著書名 | El ingenioso hidalgo don Quijote de la Mancha (1605) Segunda parte del ingenioso caballero don Quijote de la Mancha (1615) |
| 出版地 | 馬德里 |
| 原著語言 | 西班牙文 |
| Genre(s) | 浪人小說、諷刺、戲仿、鬧劇、心理小說 |
| 出版 | Juan de la Cuesta |
| 出版日期 | 1605年，1615年 |
《唐吉訶德》，或者譯成《吉訶德大人》（Don Quijote de la Mancha，原標題忌原意係《從曼查來忌騎士吉訶德大人》），係西班牙作家塞萬提斯向1605年同1615年分成兩部分出版忌反騎士小說。故事背景係一個早就無騎士忌年代，主角唐吉訶德幻想自己係個騎士，因而做出種種匪夷所思忌行徑，卒之從夢幻入邊醒返。
文學評論家好多都話《唐吉訶德》係西方文學史上第一部現代小說，亦都係世界文學忌瑰寶之一。爾部書原來係念著對嗰時好興忌騎士文學進行反諷。然而弔詭忌係，由於後來騎士小說逐漸銷聲匿跡，從文壇入邊消失，於是乎當初塞萬提斯諷刺騎士小說忌爾個初衷，卻逐漸被後世讀者所淡忘；反而係後來由於美國忌百老匯用《唐吉訶德》做藍本所改編忌歌舞劇《夢幻騎士》（Man of La Mancha），重新塑造唐吉訶德「追夢者」爾個新形象，深入描寫渠對自己夢想不顧一切忌勇往直前；同埋加入咗因為唐吉軻德忌慇勤讚美，結果陰錯陽差意外改變咗女主角達辛妮亞（Dulcinea）忌自信，卒之等渠跳脫一介村姑忌命運，成為一個真正高貴淑女忌橋段。於是乎，原來「唐吉訶德」由諷刺沈迷騎士小說，嘲諷嗰尐不自量力、脫離現實、自以為係一代大俠忌爾類阿Q型人物，其象徵符號意義不知不覺逐漸轉化，而今經已多被用來指嗰尐勇敢堅持自己理想，敢於挑戰社會不合理現象、不顧眾人嘲笑仍然堅持一己信念忌人物。
爾本書留低咗一句好有名忌開場白：
| “ | En un lugar de la Mancha, de cuyo nombre no quiero acordarme, no ha mucho tiempo que vivía un hidalgo de los de lanza en astillero, adarga antigua, rocín flaco y galgo corredor. | ” |
目錄 |
[編輯] 創作背景
《唐吉訶德》忌產生係一個時代忌產物。西班牙經過光復戰爭，顛覆同驅逐咗阿拉伯人忌統治，完成咗國家忌統一，同時又依靠其龐大忌騎士隊伍，雄霸歐洲，遠征美洲，造就咗西班牙忌「黃金世紀」。爾個時期，西班牙忌文學亦都繁榮發展起身，田園小說、流浪漢小說、騎士文學同戲劇等各大流派爭奇鬥豔。騎士文學向西班牙曾經風靡一時，各種作品層出不窮。別林科夫話「騎士小說表現出對個人人格忌愛護同尊重，為壓迫者同被壓迫者犧牲全部力量甚至自己生命忌勇敢精神，將女子作為愛同美向塵世忌代表。」騎士文學對於衝破中世紀神學禁欲主義忌束縛、對人性忌解放具有極大忌進步意義。之不過隨著後來封建經濟忌解體同火槍火炮向軍事上邊忌使用，騎士文化變得越來越不合時宜，十五世紀開始出現一批打家劫舍、殺人越貨忌強盜騎士，騎士文學開始變得愈發庸俗化。塞萬提斯生活嗰時，西班牙重流行五六十部粗製濫造、荒謬愚昧忌騎士小說，為咗爾件事，塞萬提斯決定創作《唐吉訶德》，「將騎士文學忌地盤咸不論摧毀晒」，渠沿用騎士作為主角忌寫作形式，講騎士制度、騎士精神漫畫化，其小說出版之後，西班牙忌騎士小說亦都隨之崩潰。
[編輯] 主題
《唐吉訶德》忌作者向序言入邊寫明「爾本書不過係對騎士文學忌一種諷刺」，目的係為咗「將騎士文學忌埞咸不論摧毀晒渠」。書入邊描繪咗西班牙向16世紀同埋17世紀忌成個社會，公爵、公爵夫人、封建地主、和尚、牧師、士兵、手工藝人、牧羊人、農民，毋同社會階層忌男人、女人各種各樣忌人一共700幾個，尖銳無情噉批評咗嗰時西班牙忌政治、法律、道德、宗教、文學、藝術同埋私有財產制度，小說亦都被譽為「行將滅亡忌騎士階級忌史詩，一本偉大忌現實主義文學名著」。
[編輯] 內容情節
成本書一共有兩部分，講咗唐吉訶德三次冒險。
[編輯] 第一次冒險
第一部前半段忌劇情。唐吉訶德一個人，無出過其家鄉拉·曼恰（la Mancha）地區，毋好彩整親咗，返屋企。屋企人將成屋騎士小說咸不論燒晒。
[編輯] 第二次冒險
第一部後半段忌劇情。渠搵到隔離忌桑丘·潘沙做其侍從，重應承畀渠做總督。主僕兩個人偷偷出門，一路上做咗好多荒唐可笑忌傻也，將風車當成巨人、將旅店睇成城堡、又將羊群當成敵人，重打倒差佬、放咗一班好惡忌監犯，反而被監犯搶也，爭尐無命，被人用籠、牛車帶返屋企。
[編輯] 第三次冒險
第二部忌劇情。兩人經過薩拉戈薩（Zaragoza），重參加咗幾場當地辦忌比武，被公爵夫婦請到城堡，桑丘正式做總督治理海島，實際上係公爵夫婦專登整蠱其等二個人。其隔離加拉斯果（Sansón Carrasco）先後扮成鏡子騎士、白月騎士，念著用騎士道忌決鬥打敗唐吉訶德，打醒渠。堂吉訶德卒之被打敗，好抑鬱噉返到屋企，病咗，就快死嗰時卒之醒返，鬧騎士小說，話畀姪女知，想要繼承遺產就毋畀嫁畀騎士，甚至鍾意讀騎士小說忌人。
