夜鷺

出自維基百科,自由嘅百科全書
跳去: 定向搵嘢
en:Wikipedia:How to read a taxoboxHow to read a taxobox
夜鷺
喺屯門公園影嘅夜鷺
屯門公園影嘅夜鷺
瀕危指標
Status iucn3.1 LC.svg
最唔使理(Least Concern) (LC)
物種分類
界 (Regnum): 動物界
門 (Phylum): 脊索動物門
綱 (Classis): 鳥綱
目 (ordo): Ciconiiformes
科 (familia): 鷺科
屬 (genus): 夜鷺屬
種 (species): N. nycticorax
二元學名
Nycticorax nycticorax
Linnaeus, 1758

夜鷺Nycticorax nycticorax)係一種中體型嘅,亦都俾人叫做灰窪子夜窪子星雁暗光鳥,係鷺科夜鷺屬嘅一種。但唔好俾個「夜」字呃咗,其實佢哋日夜都會活動。

特徵[編輯]

印度嘅幼鳥,等沖涼

夜鷺公乸同型同色,成鳥身長約40厘米,頭頂、枕部上背為略帶金屬光澤嘅深藍灰色,上身其餘部分同雙翼為端莊嘅暗灰色,眉紋寬闊呈白色並同額前相連,下身為略帶乳黃色嘅白色。頭頂生有2到3條細長嘅白色蓑羽,喺深藍灰色上身嘅映襯下好醒目,呢2、3條蓑羽隨住頭部運動而搖擺得好好睇。虹膜血紅色,咀黑色,腳黃色。

幼鳥身長同成鳥差唔多,上身灰褐色,雜以唔長嘅棕色縱斑,翼上有星星點點分布嘅白色斑點,係由羽梢嘅白色端斑所形成嘅;下身近白色密布褐色細縱紋,咀黑色,腳黃綠色。

食乜[編輯]

呢種雀鳥最鍾意岸邊,然後捉啲青蛙甲殼類等,有時會食一啲植物性食物。如果被嚇親會將食過落肚嘅食物吐出嚟,作為自衛。有啲國家,佢哋重會喺沙灘度排隊,等啲海龜仔孵出嚟走向海期間就逐隻捉嚟食。

分布[編輯]

夜鷺係分布非常廣泛嘅一種雀鳥,分布遍及歐洲亞洲非洲美洲等。喺中國嘅東北地區、華北、甘肅四川華中、長江流域等省區繁殖嗰啲屬夏候鳥,而喺長江以南省份嗰啲屬留鳥。

夜鷺常住喺近水邊嘅闊葉林度,活動同食嘢就喺濕地、河面度。佢哋就好似城市中嘅上班族咁樣早出晚歸往返休息地同食嘢地方之間,因為喺飛行過程中佢哋列隊而行,一時成「一」字,一時而成「人」字,所以經常被人當咗係「大雁」。

繁殖同保護[編輯]

夜鷺以集群繁殖,喺樹上築巢,常組成幾百隻雀一大群霸住一片樹林築巢,期間經常會有小白鷺、牛背鷺等走堆入去住,夜鷺築巢密度好大,甚至一棵樹以至一條枝椏上就聚集咗3、4個巢,夜鷺巢係由樹枝搭建而成,內部墊以柔軟嘅材料造成。每巢生3-8隻蛋,由父母一齊養育,每年6月-7月間可以見到幼鳥跟住父母離巢活動。

夜鷺數量好大,係常見嘅雀鳥,近年嚟中國各大城市都有夜鷺數量增加嘅報告,喺一啲地方甚至泛濫成災,因此有啲地方政府採取毀巢破蛋嘅方式嚟控制夜鷺嘅數量,究竟係咩因素導致夜鷺數量增加,背後有冇隱藏住其他環境因素改變嘅訊息,重需要進一步嘅研究。

資料來源[編輯]

  • 《香港及華南鳥類》

睇埋[編輯]

[編輯]

連結[編輯]