女仔

出自維基百科,自由嘅百科全書
跳去: 定向搵嘢

女仔係指未成年嘅女性。由一個細路女變成一個女人嘅年齡喺唔同嘅社會都唔同,但基本上都認為青少年期向成年期嘅轉變年齡喺15歲至20歲之間。此外,亦有人認為女仔係無性經驗嘅女性,但有關叫法嘅來源難以考證。

粵語嚟講,女仔其實有兩種唔同嘅年齡意義。最傳統同常用嘅定義係細蚊女,呢種稱呼往往識行到實齡十歲女左右,大啲青春期就叫少女。但而家女仔嘅用法更為寬泛,幾乎涵蓋所有實齡20者以下嘅女,或者年齡更大但睇落比較年輕嘅女性。

歷史上嚟睇,女仔經常受到歧視,而且受到社會角色嘅限制,對此聯合國計劃喺2010年之前消除女仔喺受教育權方面嘅不平等。對於女仔同男仔嘅社會角色嘅形成同差別,始終存在住「先天決定論」(或基因決定論)同「後天決定論」(或環境決定論)嘅爭論。女仔喺藝術文學流行文化中以乜嘢形象出現往往反映社會對女仔性別角色嘅認知。