孔乙己

出自維基百科,自由嘅百科全書
跳去: 定向搵嘢

孔乙己》係魯迅小說集《吶喊》入面嘅一篇小說,亦係嗰篇小說嘅主角。呢篇小說係魯迅喺五四運動前繼《狂人日記》之後寫嘅第二篇白話小說。呢篇小說描寫孔乙己作為一個考唔到秀才讀書人,缺乏實際技能,淨係識得「茴香豆嘅『茴』字有幾種寫法」[1]咁樣拋書包嘅知識。佢失去咗做人嘅尊嚴,淪落做小酒館「鹹亨酒店」俾啲人取笑嘅對象,後來因為偷而俾人打斷咗對。根據小說嘅內容,因為佢姓孔,啲人就喺描紅紙上嘅「上大人孔乙己」呢種半懂不懂嘅嘢度,幫佢改咗呢個花名,叫做「孔乙己」。

小說暴露咗當時嘅一啲社會問題──科舉制度製造咗大量淨係識死咪書,冇實際維生技能嘅讀書人。小說塑造咗孔乙己咁樣一個又好笑又悲慘嘅低下階層人物形象,揭露咗人同人之間嘅冷漠無情。

人物[編輯]

  • 孔乙己:一個考唔到秀才嘅讀書人,喪失咗做人嘅尊嚴,淪落做小酒店嗰度俾人取笑嘅對象,最後下場不明。
  • 掌櫃:孔乙己成日去飲酒嘅「咸亨酒館」嘅老闆。
  • 丁舉人:因為孔乙己偷咗佢嘅書,將孔乙己吊起來打斷對腳。
  • 「我」:講小說嘅人,人物身份係咸亨酒店嘅伙記

參考[編輯]

  1. 茴香豆嘅「茴」字四種寫法,分別為艹頭下面加「回」、「囘」、「囬」、「廻」。