崩壞3

崩壞3（粵拼：beng1 waai6 saam1）係中國大陸遊戲公司米哈遊整嘅3D網遊兼動作類遊戲，亦係崩壞學園系列嘅第三部作品。家下凈喺中國大陸、日本、臺灣、南韓、東南亞、歐美地區，行安卓或iOS平台嘅手機至有得玩。

全球各地服務器方面，中國大陸喺2016年10月14號開服；日本喺2017年2月22號開服^[1]；臺灣喺2017年5月18號開服；南韓喺2017年10月17號開服；東南亞喺2017年11月1號開服；歐美地區喺2018年3月28號開服。

事件[編輯]

2019年2月14號晚黑，喺中國大陸嘅QQ群入面，有位喺廣州地區住嘅初中學生借人哋嘅手機打呢個遊戲時俾家長發現，個家長攞咗手機兼喺「D7一下，你就知道」嘅Q群入面用粵普雙語大鬧成個群嘅成員^[2]，話「你害死我個仔」、「一日到黑上網重係唔係人嚟㗎」嘅偏激言論。事發之後，好多中國大陸嘅媒體都將呢單嘢登上頭條^[3]，連好多網友專程惡搞呢單嘢令事件一度發酵^[4]。bilibili專程喺線上採訪到群主建立人Mrjerry233（江蘇無錫人），究竟發生乜事^[5]。後嚟群主亦喺事發後第二日道歉兼將原先嘅「D7一下，你就知道」嘅Q群改咗第個名，江蘇網警亦第一時間介入調查單嘢。後嚟調查得知，原嚟係細路同家屬嘅溝通問題，重講清楚「電子遊戲唔係精神鴉片，要適可而止」^[6]。