復活節

出自維基百科,自由嘅百科全書
跳去: 定向搵嘢
復活蛋

復活節基督敎,響年年春分月圓之後個禮拜日。個節係紀念耶穌基督,喺公元三十年到卅三年之間,畀人釘死響十字架之後第三日復活嘅日子,象徵住重生同希望。假期安排上,通常會同耶穌受難節(復活節之前兩日)一齊放假,之前一日就會放耶穌受難節翌日復活節前日),另外之後一日會有補假叫復活節禮拜一

來歷[編輯]

復活節喺紀念耶穌復活,亦都喺基督教最重要節日。《聖經》《新約全書》記載,上帝嘅仔耶穌,降生喺馬槽度,喺佢卅歲嗰陣,揀咗學生十二人,開始一齊傳道。三年半中,佢醫病、傳教、趕鬼,幫助各種需要幫助嘅人,將天國嘅道理話畀人知。直到上帝所安排嘅日子來臨。呢日耶穌基督畀門徒猶大出賣,遭人捉拿、審問,畀羅馬兵釘喺十字架上,臨死前預言,三日後必會復活。就喺第三日,耶穌復活,兼且升天。按《聖經》解釋,耶穌基督乃喺道成肉身嘅聖子,嚟世上為世人贖罪,成為世人嘅代罪羔羊,依個都喺點解復活節喺基督敎咁重要嘅原因。

以基督敎來睇,耶穌受罰並非佢有罪,而係要按上帝嘅計劃,替世人贖罪。死裏復活,表示贖罪成功。基督敎徒認爲,任何人信佢,向佢認罪,就得到上帝赦免;而耶穌復活,代表勝過死亡,凡喺信佢人,可得永生,可以同耶穌永遠喺埋一齊。

日期[編輯]

每年春分之後,第一個滿月之後嘅第一個星期日。即係3月22號到4月25號之間。