愛爾蘭蓋爾文
呢篇文章講嘅係屬於基爾特語族嘅愛爾蘭蓋爾文。想搵喺愛爾蘭講嘅英文方言，睇下「愛爾蘭英文」。
|
|
| 中文名 | 愛爾蘭蓋爾文/愛爾蘭文 |
| 外文名 | Gaeilge |
| 外文發音 | [ˈɡeːlʲɟə] |
| 語言地位 |  愛爾蘭共和國：第一官方語言 歐洲聯盟：準官方語言 北愛爾蘭：地區少數語言 |
| 語言譜系 | 印歐語系 基爾特語族 島嶼語支 北方亞支 愛爾蘭蓋爾文 |
| 主管機構 | 蓋爾文論壇 （Foras na Gaeilge） |
愛爾蘭蓋爾文（又叫做「愛爾蘭文」；愛爾蘭蓋爾文：Gaeilge），屬於印歐語系基爾特語族，係愛爾蘭共和國嘅第一官方語言、歐盟嘅其中一種準官方語言、又係北愛爾蘭官方承認嘅少數語言之一。目前大概有133000人嘅母語係愛爾蘭蓋爾文，1790000人識講愛爾蘭蓋爾文。
歷史 [編輯]
愛爾蘭蓋爾文曾經係愛爾蘭島最通用嘅語言，擁有全西歐最豐富嘅口述文學傳統，並且產生過全歐洲最好嘅遊吟詩人。但係從英女王伊利沙伯一世時期開始，英國開始大規模、有計劃咁樣企圖消滅愛爾蘭蓋爾文同埋愛爾蘭傳統：禁止着愛爾蘭傳統服裝、禁止講愛爾蘭蓋爾文、並且全面廢除愛爾蘭文地名。1845年到1852年嘅愛爾蘭大饑荒導致超過五分之一嘅愛爾蘭人餓死或者逃荒，進一步導致識講愛爾蘭蓋爾文嘅人劇減。
由19世紀末期開始，越來越多人意識到愛爾蘭蓋爾文面臨滅亡嘅危機，於是投身愛爾蘭蓋爾文同愛爾蘭文化復興運動。1893年由文學家道格拉斯・希渣（Dubhghlas de hÍde）組建嘅蓋爾文同盟（Conradh na Gaeilge）帶領咗愛爾蘭蓋爾文嘅復興，推動咗越來越多愛爾蘭文書刊嘅出版，並且吸引咗一大批愛爾蘭民族主義人士，間接推動愛爾蘭獨立運動同埋愛爾蘭嘅最終獨立。
1908年，愛爾蘭國立大學（Ollscoil na hÉireann）成立，規定入學條件之一係要識講愛爾蘭蓋爾文。
1922年愛爾蘭自由邦（愛爾蘭蓋爾文：Saorstát Éireann；英文：Irish Free State）成立咗之後，開始喺全國各地建立「愛爾蘭蓋爾文保護區」（Gaeltacht），以保護當時僅存嘅唔到80,000個用愛爾蘭蓋爾文做母語嘅人，避免愛爾蘭蓋爾文進一步衰亡。
二戰期間，喺愛爾蘭議會翻譯辦公室做嘢嘅文學家蕭達通（Séamas Daltún）推出咗自己嘅全愛爾蘭島愛爾蘭蓋爾文通用正字法。呢套正字法雖然唔能夠完全反映唔同方言嘅差異，但係大大咁簡化咗本來好複雜嘅拼寫。議會後來通過咗呢套正字法，並且將正字法以《官方標準》（Caighdeán Oifigiúil）嘅名義發佈通行。2012年8月，愛爾蘭政府發佈咗《官方標準》嘅第一次大修正（An Caighdeán Oifigiúil — Caighdeán Athbhreithnithe）。而家絕大部分學校教嘅都係呢套正字法。
字母 [編輯]
原始愛爾蘭蓋爾文用奧甘文字書寫，到拉丁字母同基督教傳入愛爾蘭之後，就開始改用拉丁字母書寫。現代愛爾蘭蓋爾文淨係用19個拉丁字母拼寫本族語詞，而淨返落來嘅J、K、Q、W、X、Y、Z就祇用來拼寫外來詞。
| 奧甘字母 | ᚁ | ᚂ | ᚃ | ᚄ | ᚅ | ᚆ | ᚇ | ᚈ | ᚉ | ᚊ | ᚋ | ᚌ | ᚍ | ᚎ |
| （拉丁轉寫） | B | L | F | S | N | H | T | D | C | Q | M | G | nG | Z |
| 名稱 | Beiṫ | Luis | Fearn | Sail | Nion | Uaṫ | Dair | Tinne | Coll | Ceirt | Muin | Gort | nGéadal | Straif |
| 奧甘字母 | ᚏ | ᚐ | ᚑ | ᚒ | ᚓ | ᚔ | ᚕ | ᚖ | ᚗ | ᚘ | ᚙ | ᚚ | ᚛ | ᚜ |
| （拉丁轉寫） | R | A | O | U | E | I | EA | OI | UI | P/IO | CH/AE | P | < | > |
| 名稱 | Ruis | Ailm | Onn | Úr | Eaḋaḋ | Ioḋaḋ | Eaḃaḋ | Ór | Uilleann | Ifín | Eaṁaċoll | Peiṫ | 句子 開始 |
句子 結束 |
| 舊正字法 | A | Á | B | Ḃ | C | Ċ | D | Ḋ | E | É | F | Ḟ | G | Ġ | H | I | |
|---|---|---|---|---|---|---|---|---|---|---|---|---|---|---|---|---|---|
| 新正字法 | A | Á | B | Bh | C | Ch | D | Dh | E | É | F | Fh | G | Gh | H | I | |
| 舊正字法 | Í | L | M | Ṁ | N | O | Ó | P | Ṗ | R | S | Ṡ | T | T | U | Ú | |
| 新正字法 | Í | L | M | Mh | N | O | Ó | P | Ph | R | S | Sh | T | Th | U | Ú | V |
音系 [編輯]
| 唇音 | 脷面前音 | 脷面後音 | 聲門音 | ||||||||||
|---|---|---|---|---|---|---|---|---|---|---|---|---|---|
| 雙唇音 | 唇化軟齶音 | 唇齒音 | 齒音 | 牙齦音 | 牙齦後音 | 硬齶音 | 軟齶音 | ||||||
| 闊 | 窄 | 闊 | 闊 | 窄 | 闊 | 闊 | 窄 | 窄 | 窄 | 闊 | |||
| 爆破音 | 清 | pˠ | pʲ | t̪ˠ | tʲ | c | k | ||||||
| 濁 | bˠ | bʲ | d̪ˠ | dʲ | ɟ | ɡ | |||||||
| 摩擦音/ 近音 |
清 | fˠ | fʲ | sˠ | ʃ | ç | x | h | |||||
| 濁 | w | vʲ | j | ɣ | |||||||||
| 鼻音 | mˠ | mʲ | n̪ˠ | nʲ | ɲ | ŋ | |||||||
| 彈音 | ɾˠ | ɾʲ | |||||||||||
| 邊音 | l̪ˠ | lʲ | |||||||||||
| 前 | 中 | 後 | |
|---|---|---|---|
| 閉 | iː | uː | |
| 近閉 | ɪ | ʊ | |
| 近中 | eː | oː | |
| 中 | ə （非重讀音節） |
||
| 中開 | ɛ | ɔ | |
| 開 | a | ɑː |
