排球

出自維基百科,自由嘅百科全書
一場典型嘅排球比賽

排球運動起源自美國,由美國麻省霍利奧克基督教青年會幹事威廉.摩根1895年2月9號發明。最初,人係企喺網球場球網嘅兩側,將籃球膽托嚟托去,參賽人數同擊球次數都無限。比賽裏面網高1.98米,呢個就係排球嘅雛形。

1896年,喺美國斯普林費爾德體育專科學校舉行咗第一場公開比賽。初期,排球被叫做Mintonette(即係小網子咁解)。1896年,霍爾斯泰德教授根據比賽特點,建議改叫做Volleyball(即空中擊球咁解),變成咗今年國際通用嘅英文名,中文名就叫排球。當時用嘅正式比賽用波圓周25-27英寸(約63.5-68.8厘米),重量係9-12安士(大約255-346克)。而家國際比賽用嘅波,無論材料同製作方法都有好大改變,但波嘅規格重係同以前差唔多。