旁遮普話
旁遮普話（英文：Panjabi或Punjabi；Gurmukhī字母：ਪੰਜਾਬੀ；Shahmukhi字母：پنجابی）屬於印歐話系印度-伊朗話族嘅印度-雅利安支。旁遮普話嘅特別之處係有聲調同埋係黏著話。旁遮普話係印度嘅旁遮普邦和巴基斯坦嘅旁遮普省主要用嘅話，亦係印度旁遮普邦嘅官話。隔籬嘅印度哈里亞納邦、喜馬偕爾邦同埋德里都流通。全世界有1.04億人講旁遮普話，當中西旁遮普話佔6.1-6.2千萬，東旁遮普話佔2.8千萬，而Siraiki就佔1.4千萬。
1947年印巴分治時，旁遮普地區嘅文化同話言都受到影響。所以旁遮普嘅話同文化成為推動兩國和平交往嘅一大動力。由於好多旁遮普人移民，旁遮普人係世界上好普遍嘅少數民族，包括喺英國、美國、加拿大（更成為加拿大第四大，卑詩省第三大）同肯雅。
同其他北方印度話一樣，旁遮普話係演化自梵文。旁遮普話又分做西旁遮普話、Lehnda(ਲੇਹੰਦਾ)或Lahnda(ਲਹਿੰਦਾ)同東旁遮普話。Siraiki和Hindko通常都俾人認為係旁遮普話嘅方言。
旁遮普話係錫克教嘅神聖話言，錫克教嘅經典Guru Granth Sahib都係用旁遮普話寫嘅。旁遮普話亦係印巴地區北部流行嘅Bhangra音樂嘅主要話。
現代旁遮普話嘅詞彙受到其他話言嘅影響，其中包括印地話、波斯話同埋英文。海外嘅旁遮普人亦都有從西班牙文同荷蘭文借來新嘅詞彙。一種新嘅旁遮話分支，稱為Diaspora Punjabi，正喺度發展緊，而且不斷同印度次大陸上嘅旁遮普話出現分別。
旁遮普話有幾套文，唔同地區、方言同宗教信仰用唔同嘅字母。錫克教信徒傾向用Gurmukhī字母。其他省嘅印度教信徒多會用天城文字母，而巴基斯坦境內嘅旁遮普人多用Shahmukhi。Gurmukhī同埋Shahmukhi字母係旁遮普話最常用嘅兩種書寫字母，亦係官方嘅字母。
-
2009年加拿大卑詩省選其間嘅宣傳牌印有三話（英文、粵語、同旁遮普話）
