曼德拉

出自維基百科,自由嘅百科全書
跳去: 定向搵嘢
曼德拉
Nelson Mandela.jpg
出世 1918年7月18號
2013年12月5號
南非
職業 南非總統

曼德拉Nelson Rolihlahla Mandela1918年7月18號2013年12月5號),舊譯文迪拉(奶路臣・文迪拉),南非黑人民權領袖南非總統。南非第一次多種族、全民民主選舉中得勝,1994年4月27號當選,一直做到1999年。

曼德拉喺南非出世,老竇嗰邊家族係地方酋長,而佢阿媽嘅家族就無咁高貴。做總統前,曼德拉係反種族隔離活躍份子,領導非洲人國民議會,轉入地下活動,武裝對抗政府,一九六二年被捕,以煽動非法出國罪名,判坐監五年。一九六四年加控陰謀暴力推翻政府,改判無期徒刑

坐監廿七年,大部份時間喺羅賓島(Robben Island),困喺一間牢房,曼德拉成為家傳戶曉嘅人物,國際之間好支持佢嘅反種族隔離鬥爭,成為一個自由平等嘅象徵,媲美甘地。但係,認同種族隔離嘅政府同國家,話曼德拉係共產黨人同恐怖分子,支持種族隔離嘅人加上好多南非白人都好鬼憎佢。

一九九〇年放監後,佢改用和解政策,通過談判,最後帶領南非,成爲多種族民主國家。由於種族隔離制度結束,好多人讚佢,甚至南非白人同以前嘅對手。

曼德拉得到超過一百個獎,最值得注意嘅有諾貝爾和平獎。而家,佢繼續發表自己嘅意見同埋論題。

世界上有好多人作歌歌頌曼德拉嘅成就,例子有香港樂隊Beyond嘅《光輝歲月》。