曾灶財

出自維基百科,自由嘅百科全書
跳去: 定向搵嘢
尖沙咀天星碼頭搵到曾灶財嘅「墨寶」

曾灶財1921年11月12號2007年7月17號[1][2]),叫自己「九龍皇帝」,真名曾財[3],係香港一個塗鴉藝術家。

曾灶財雖然跛跛哋,但都成日喺街上面寫大字,觀塘區尖沙咀天星碼頭一帶都搵到佢嘅筆跡,佢寫嘅大字多數講返自己同佢家族嘅舊時嘅嘢、根據佢自己聲稱份族譜,以前皇帝曾經御賜九龍畀佢祖先做食邑;所以佢就係「九龍皇帝」,因為咁佢成日喺街寫大字,「宣示」佢對九龍嘅「主權」,又鬧英國非法佔領咗佢嘅土地[4]。早期佢日因為周街寫大字成日畀人拉上差館,但上到法庭次次都唔認罪,2004年10月有人拎佢嘅作品去拍賣行拍賣,賣到五萬五千蚊[5]二十世紀九十年代後期,有香港設計師攞曾灶財寫嘅嘢做時裝設計,確立曾灶財作為香港文化嘅代表人物之一。

資料來源[編輯]

墨寶受到透明膠片保護
  1. 〈腿患難行 皇帝板上揮毫〉,載香港《明報》,2004年10月31號。報道指佢 85 歲,推算佢係1921年出世。
  2. 九龍皇帝︰The art of Treason》鍾燕齊、陶傑著,CUP出版。書中有曾灶財回港證嘅相,上面有佢親筆寫嘅出生日期1920年11月12號。之後有人查到他出生年份實為1921年。
  3. 〈曾灶財遭女賊偷錢 怒喊:「拉佢入天牢斬頭」〉,載香港《明報》,2003年6月19號
  4. 「九龍皇帝」曾灶財去世,明報2007年7月25號
  5. 2007-07-25 youtube TVB 晚間新聞

連出去[編輯]