杜魯福

出自維基百科,自由嘅百科全書
跳去: 定向搵嘢

杜魯福François Truffaut1932年2月6號1984年10月21號)係法國導演法國新浪潮(電影創作流派)嘅代表之一,「作者電影」嘅倡議人同表表者〔呢句嘢唔似粵語,唔該改咗佢〕,同法國另一名導高達齊名。

杜魯福因為逃學,14歲就冇書讀要去工廠做嘢。後生佢已經好鍾意電影,辦過細型電影放映活動而欠債,16歲時俾人送入不良少年教導院,後來由安德烈巴贊保釋,將佢帶咗入影評嘅園地,巴贊成為佢嘅精神導師,影響佢喺電影方面嘅觀念。1951年巴贊創辦《電影筆記》,之後杜魯福加入寫影評,有人認為係巴黎最刻薄嘅評論人。

1955年拍攝咗首部短片《探訪》,之後做意大利導演羅塞里尼嘅助手。1957年,杜魯福撰文預告會拍「第一人稱」嘅戲。1959年首部長片《四百擊》攞咗康城影展最佳導演獎,部片以安坦但奴(由尚里奧演)主角,充滿自傳性質,連同《二十歲之戀》、《偷吻》、《床笫風雲》、《愛情長跑》組成安坦但奴五部曲。佢最叻實踐巴贊嘅「長鏡頭」理論,故仔題材多變、內容各異;拍攝景緻怡人、風格清新嘅法式風格文藝愛情電影。

杜魯福1984年腦癌過身,一共導演有二十一部長片、四部短片。