比百美擦得甩原子筆

比百美擦得甩原子筆（Erasermate，喺歐洲、巴西叫做Replay）係1979年吉列旗下比百美推出嘅原子筆。

3枝未拆包裝嘅擦得甩原子筆TW（EraserMate TW）。由左至右分別係藍色墨水嘅TW200、黑色墨水嘅TW400，同埋黑色墨水嘅TW200。

第一代嘅擦得甩原子筆係可以換芯嘅，並且配有一粒可替換嘅擦膠。之後嘅第二代（Erasermate 2）就變成即棄式，外觀普通擦唔甩嘅Write Bros stick pen原子筆好似樣，不過粗少少，筆蓋頂部亦加咗粒黑色擦膠。擦膠大約闊5mm、長10mm，同一般HB鉛筆大細相若；擦膠雖然可以抆出嚟，但係要替換就唔係咁易。擦得甩原子筆有藍色、黑色、紅色三種墨水，而筆桿會用上同墨水相應嘅顏色。

1979年至1980年，比百美推出咗兩種旋轉伸縮式嘅擦得甩原子筆：TW200同TW400，分別賣7.50同9.50美金。

擦得甩原子筆嘅墨水用咗十幾年時間研發，含有生膠，比一般原子筆墨水濃，故此墨水係加咗壓，確保能夠持續出墨，無咁易斷墨；亦都因為加壓墨水，同普通原子筆唔同，擦得甩原子筆可以垂直、上下倒轉咁書寫。