擦膠

擦膠

鉛筆尾上面嘅擦膠

唔同牌子嘅擦膠

擦膠，或者膠擦，亦叫擦紙膠或者擦字膠，係一種擦。呢隻文具主要係用橡膠做，用嚟擦乾淨鉛筆寫出嚟嘅嘢。擦膠一般係白色，亦都有為咗靚整到唔同色，而家嘅擦膠可以係任何顏色。擦咗出嚟嘅碎，叫「擦膠碎」。

另外有一種擦膠，叫做沙膠，專用來擦原子筆字。原子筆墨會滲響紙嘅表層，而沙膠通常硬身，擦落好似有沙咁，可以擦得甩紙表層，連帶擦埋原子筆跡。不過，擦完通常連紙都會薄埋，唔小心重擦穿張紙。因為咁，貪方便嘅會用塗改液，改錯帶。

有時小朋友藉口話搵唔到擦膠，會用手指沾口水當擦膠，但效果就麻麻地。

喺一啲趕時間嘅情況下，好似係考試，啲人寫錯咗可能就咁用筆刪咗佢而唔用擦膠，慳返啲時間。

成分

• 合成橡膠
• 乙烯基

出面網頁

• More eraser information 網頁有唔同嘅擦膠

文具

鉛筆、炭筆， 鉛芯筆， 墨水筆， 原子筆， 木顏色， 蠟筆， 水筆， 熒光筆， 白板筆， 箱頭筆， 畫筆， 毛筆

---

擦膠， 塗改液， 筆刨， 鉸剪， 開信刀， 墨水， 墨， 墨汁， 墨盒， 間尺， T尺， 蛇尺， 雲尺， 三角尺， 量角器 ， 圓規

---

橡筋， 萬字夾， 魚尾夾， 魚尾釘， 釘書釘， 釘書機， 㩒釘， 活頁圈， 打窿機， 快勞 (file)， 快勞夾， Binder， 膠紙， 膠紙座， 膠水

---

原子印， 筆記簿， 筆袋、筆盒， 過底紙， 紙稹， Dymo機， 打字機， 計算尺， 計數機， 算盤