魚尾夾

出自維基百科,自由嘅百科全書
跳去: 定向搵嘢
5毫米底魚尾夾
唔同大細魚尾夾,同AA電比

魚尾夾(夾變調讀陰上)係一個夾。係用一塊長方片,拗成等腰嘅三角柱體。鋼片兩條夾口邊會卷起,等佢唔好夾爛張紙。魚尾夾之所以夾到嘢,就係靠夾本身個底,鋼片底兩面灣嘅張力,令到個夾埋。夾口兩條卷邊,亦都會各自彈住兩條鋼綫。每條鋼綫都成個圈做,一來兩邊柄可以摱開個夾口夾嘢,二來夾好後可將個啪落來,用夾口圈個設計,個柄彈落貼住啲紙。咁樣個夾可以平啲,可以疊(音踏)高啲。個柄啪返起,就可用手指夾住兩邊柄,放返啲紙出來。

魚尾夾大細好多隻,通常用9毫米底夾仔,或者38毫米底大夾。中夾有15毫米底,56毫米高。重有好多其他大細。睇下要夾幾多同埋夾乜嘅。通常魚尾夾夾身油到晒,而個柄就鍍鉻。之不過,亦都有多唔同隻可以揀。

魚尾夾夾嘅紙通常要多啲,廿五張以上到。如果無咁多,用萬字夾就夠。