氧化數

出自維基百科,自由嘅百科全書
跳去: 定向搵嘢

氧化數(好多時候又混稱為化合價,初等化學就經常用爾種叫法,但實際上兩者概念唔同)係一個用來描述化合物入面原子嘅氧化程度嘅量。

按照初等化學嘅觀點,一個化合物入面一個原子嘅氧化數係正x,表示佢喺構成嗰個化合物嘅時候失去咗x個電子,或者喺佢形成嘅共價化學鍵入面有x個電子偏離咗爾個原子。相反,如果一個化合物入面一個原子嘅氧化數係負x嘅話,表示佢喺構成嗰個化合物嘅時候得到咗x個電子,或者喺佢形成嘅共價化學鍵入面有x個電子偏向爾個原子。根據規定,喺單質入面,原子嘅氧化數係0。