沙漠化

出自維基百科,自由嘅百科全書
跳去: 定向搵嘢
鹹海乾涸,船隻擱淺

沙漠化指原本由植物覆蓋嘅土地變成不毛之地嘅自然災害現象。所指嘅「沙漠」多數強調土地唔適合植物生長或者發展農業,而唔係因為地域本身乾燥所造成嘅沙漠氣候。不過,冇植物生長嘅土地由於唔能夠蒸散分配水分,結果亦都可能反而導致乾燥氣候。

沙漠化現象可能係自然嘅。作為自然現象嘅沙漠化係因為地球乾燥帶移動,所產生嗰氣候變化導致局部地區沙漠化。不過,今時今日世界各地沙漠化嘅原因,多數係歸咎於人為原因。人口急速增長,所居住嘅土地被過份耕種或者飼養禽畜,導致土地枯渴唔適合種嘢。

中東美索不達米亞地區(即係今日嘅伊拉克)係世上最早發展農業嘅地域之一,從而發展成世上最早嘅文明發祥地之一。美索不達米亞嘅土壤本來好肥沃嘅,不過由於過度嘅農業活動、加上啲人唔理土地長期枯渴,重開發河段上流、採伐森林,搞到上流土地吸收唔到啲雨水,雨水一氣咁流入河度,造成水土流失同埋水浸

根據中國國家林業局2006年6月17日嘅公佈,中國沙漠化土地達到173萬9700平方公里,佔國土面積18%以上,影響全國30個一級行政區(省、自治區、直轄市)。[1]

資料來源[編輯]

  1. 〈全國18%土地沙化〉,載香港《明報》,2006年6月18日