游水衫

出自維基百科,自由嘅百科全書
跳去: 定向搵嘢
女人一件頭游水衫

游水衫,又叫泳衣泳裝,係游水時或者係海灘活動同埋選美入面著嘅,特色係又薄又貼身。男人可以唔著上身,只著游水褲泳褲),女人因為要遮埋個,所以一定要著上身,可以係一件頭或者三點式。游水衫一直發展緊。

發展史[編輯]

游水衫發展史道道都反映咗唔同時期社會(尤其係觀念同文化)嘅演變,亦反映咗社會道德同性觀念嘅地區差異。

16世紀前[編輯]

16世紀前重未有「游水衫」,嗰時啲人去游水都係剝光豬落去嘅。而喺古希臘入面,啲人以為,海就係又天然又simple嘅,所以落海游水唔使著埋衫褲落去。而喺古羅馬入面,就已經有浴場呢筍嘢;搞到阿德拿海附近成日都人山人海。由於游水要剝光啲身,所以喺歐洲嗰邊就有「成日剝光豬」嘅講法喇。

16世紀[編輯]

到咗中世紀嗰陣,有人用借口阻住啲女仔,唔俾同啲男仔去游水同埋沖凉。但係到咗16世紀,呢筍「成日剝光豬」嘅講法被人哋話成邪惡或者係鹹濕。於是就有咗最早嘅游水衫,嗰陣時嘅男仔去游水會著住圍裙,而女仔去游水會著住亞麻襯衫。嗰時游水衫係貴族先有。

17世紀——18世紀[編輯]

到咗17世紀,有啲同與醫療有關嘅冲凉方式先至畀咗女仔嘅機會去沖凉。但係,如估啲女仔想落去冲凉嘅话,就必須要着埋長袖同埋剝光隻脚嘅厚汗衫,重有出面有頂帽嚟撳住成個身嚟沖凉嘅。嗰陣時,佢哋嘅帆布沖凉衫係又硬又大嘅,好似啲牧師佢哋專門著嘅衫咁大個袖,而呢種衫可以喺水入面整開,搞到啲人睇唔到入面嘅身係點嘅樣。如估啲女仔一出咗水,嗰啲侍者就會幫佢哋著返啲長嘅瞓覺衫同埋拖鞋,唔冇畀佢哋濕苙苙嘅衫講成個身整咗出嚟。之後,男嘅轎車夫就將沖過凉嘅女仔搬返去屋企再放喺張床度,等啲女仔慢慢咁喺床上面嚟出汗。而喺17世紀60年代嘅英國嗰邊,游水衫嘅活動開到鬼咁犀利。而嗰陣時嘅男仔,重可以喺游水嗰陣剝光豬,不過上咗岸之後就要著返啲衫同埋褲。

19世紀[編輯]

1815年嘅游水衫

到咗1822年,由於有醫生對呢種噉嘅游水杉就猛咁鬧,話佢係阻住水同身嘅有病部位嘅直接接觸而會影響醫藥嘅療效。搞到佢講咗三種方案出嚟:

  • 1. 病人唔著游水衫係最好嘅方法
  • 2. 如估唔著係唔舒服嘅話,啲游水衫就一定要儘量整到有幾大就有幾大、有幾闊就有幾闊,有幾輕就有幾輕。
  • 3. 游水場地分開男、女兩個區

雖然話第1種方案係比較激,但係好多人揀咗第3種方案。就喺嗰陣時,有笪海灘就因為咁,先至分開咗兩部分(有男專用區同埋女專用區),甚至重有啲女仔用嘅海灘重成日用塊布嚟遮住成個身,唔畀啲男仔去睇嘅。後嚟到咗維多利亞年代(1837年—1901年)嗰陣,由於有越嚟越多嘅民眾嚟到英國嘅海邊去游水。而呢種新生活嘅方式出現,就搞咗新嘅游水衫出現咗。而嗰陣時女仔著嘅游水衫,係用咗深色嘅法蘭面料嚟整嘅衫同埋褲。嗰陣時都將話「係唔係罅形」嘅嘢,都入埋衫嘅規則入面,而到咗19世紀60年代就出咗新版本嘅游水衫,而呢種版本嘅游水衫係土耳其版本嘅燈籠褲,上面有簡單又連埋腳嘅連身裙。雖然話呢種衫係搞到嗰陣時保守主義嘅人鬧到狗噉滯,但係過咗好耐,呢種噉嘅游水衫就喺海灘入面出現咗。而呢種游水衫就成日向下轆,重好牙煙噉滯。

由於嗰陣時嘅社會好關住「公眾場合入面嘅形象」,搞到男仔開始要迫住著衫落去游水。重有嗰陣時話一條短褲唔好睇,所以連男仔嘅游水衫都變咗好厚嘅套裝,唔單止成個身都撳住嗮,重連手同腳都撳埋。而男仔最早嘅游水杉係有厚嘩嘰嚟整嘅,腰嘅部份冇鬆緊帶,所以成日都跌落嚟(如估喺水底入面嘅話,重會跌倒腳趾嗰邊)。雖然話呢筍嘢會成日被人話唔文明,但係啲男仔就對呢個好反感,一見到有機會,就重係剝光豬去游水。

20世紀初[編輯]

一件頭嘅出現[編輯]

安尼迪克拿文著嘅一件頭,呢件係一件頭最早嘅版本。

喺20世纪初,嗰陣時嘅游水衫凈係啲連衫嘅短裙,同家陣街邊成日著嘅裙同埋衫都唔係差好遠。其實嗰陣時啲人喺公眾有水池入面玩水嘅大多數都係冇整專業嘅游水衫褲。喺一件頭出嚟嘅2年前(1907年),有個叫安尼迪克拿文澳洲女仔,開始向自己整符合佢自己嘅實際嚟整佢要嘅游水衫,而佢係將游水杉同歌舞雜技演員嘅緊身絲襪嚟整咗合體而搞出咗睇到出面,重體現出大膽嘅體育精神嘅游水衫。而呢種游水衫同埋跳水衫就喺英國同埋美國都引起咗強烈嘅反響。而專業嘅游水衫褲就係喺1909年出現嘅,就係依家講嘅「一件頭」,佢係由時裝界嘅傳奇人物CHANEL嚟整嘅,而呢筍嘢重係第一件真正意義上嘅現代游水衫。雖然話呢種游水衫,喺一定程度入面睇到剝光咗四肢同埋一細部份嘅身話係對女仔有傷風化嘅嫌疑,不過CHANEL就話唔係咁樣,重著埋呢件嘢上身話清楚點解,結果好多嗰陣時嘅後生女仔就很快噉嚟有樣學樣喇。到咗20世紀30年代,嗰陣嘅社會就開始接受男在凈係著游水褲嘅現象,而女仔嘅緊身游水衫都幾流行下。而唔係比賽嘅游水衫品種就出現咗一種同底衫差唔多噉嘅設計,而且重變咗好多:其中背帶頂住咗條袖,褲腳變得越嚟越短,而領鈦口就變到得越來越低。搞到猛咁流行嘅日光浴重整到游水衫喺睇到埐皮,而且避免咗背帶出現咗條曬痕。

20世紀中[編輯]

比堅尼嘅出現[編輯]

女仔嘅游水衫就出現咗兩件式嘅游水衫,而且兩件都係冇連埋一齊嘅。到咗20世紀40年代就出現咗依家家陣講嘅「比堅尼」。而比堅尼嘅游水衫係法國人設計的,喺1946年,由於美國夏威夷珍珠港事件發生咗原子彈爆炸,而且爆炸咗嘅地啱好係比堅尼島嗰邊先至改成噉嘅名。佢係一件攞咗三件布同四條帶嚟整嘅游水衫,而呢種衫喺1946年7月5號出現嘅。呢種衫料喺女仔嘅衫入面,係世界上撳住個身嘅面積最細嘅游水衫,通過胸罩嚟遮住個胸,背脊除咗條繩之外,成身幾乎剝光豬噉滯,而三角褲嘅胯重儘量向上整咗,重最大限度咁睇到個大髀。呢件嘢重好細,啹埋一搆就可以裝入個火柴盒入面喇。呢件嘢嘅出現重將以前嘅保守觀念簡化咗成為依家嘅時尚意識。世界上第一個著比堅尼嘅人係美國人米車蓮巴拿甸尼[1]

單堅尼嘅出現[編輯]

隨著世界各地嘅經濟發展同埋出現咗現代嘅生活方式,結果材料就越嚟越犀利,啲料重越嚟越多添。喺1958年由於用咗人造彈性纖維整件游水衫,由於呢啲游水衫同底衫好相似,所以喺20世紀60年代,有啲嗰陣時嘅後生仔重將啲游水衫當成係底衫嚟著。到咗20世紀70年代,就出現咗冇結構嘅游水衫,又可以啀「單堅尼」。而呢種嘢係除咗肚腩下面同埋大髀上面嘅部分係遮住就成身剝光豬喇。雖然話呢種游水衫係通過遮住肚腩下面同埋大髀上面嘅部分嚟承認咗道德嘅約束力,但係呢種噉嘅嘢又吸引咗人對性器官嘅注意。雖然話唔著上裝或者係成身剝光豬去游水喺國際範圍入面,係越嚟越多人嚟接受,但係,凈係有好少嘅人用呢種方式去游水嘅。

20世紀尾[編輯]

喺1989年,美國嗰邊有位叫茱莉荷嘅摩䆃推出咗一系嘅游水衫,而呢種游水衫就係「將個大髀放返入去女式嘅游水衫入面」嘅品種。而佢嘅設計啱好通過咗強調啲游水衫嘅整體性同埋佢嘅魅力,搞到啲人諗返之前20世紀40年代嗰陣時喺荷里活入面出現過嘅游水衫。

鯊魚皮游水衫嘅出現[編輯]

睇埋:鯊魚皮游水衫

到咗20世紀90年代,游水衫嘅風格又重新行返去以前19世紀嘅品種,雖然話比20世紀初同20世紀中嘅游水衫品種係覆蓋咗身嘅好多位,但係同19世紀嘅游水衫唔同嘅係,呢種游水衫係重新用咗啲原嚟嘅縫合方式同埋調節體態嘅方式。就喺嗰陣時,Speedo公司就開發咗鯊魚皮品種嘅游水衫,而呢個係有水衫嘅使用面料係最有重大意義嘅更新。而呢種游水衫係用咗特殊嘅面料去整嘅,佢根據咗仿生學原理,呢種游水衫同鯊魚皮唔同嘅係,佢喺水入面嘅阻力要比人體嘅皮膚低3%,聽話最多可以將比賽嘅成績提高7.5%。而呢種游水衫係為咗最大限度咁減小運動員喺水入面嘅阻力,所以除咗手同面以外,其他部位都係撳住嗮。呢種游水衫喺2000年,澳洲嘅游水選手伊恩科比就係著過呢種游水衫啦,而呢種連體嘅游水衫就引起咗好多人關注。雖然話呢種游水衫響1999年就允許喺奧運入面用,但係到咗2012年就冇呢隻歌仔唱啦[2]。不過呢種游水衫依家重喺市面上有得賣。

21世紀[編輯]

依家游水衫嘅品種已經越嚟越多,重有越嚟越貼身同埋衿用,同時重越嚟越有審美嘅價值。

波堅尼嘅出現[編輯]

內文: 波堅尼

喺2007年2月,澳洲籍黎巴嫩人阿克達渣力餮就研發咗一件游水衫,呢種係伊斯蘭教徒嘅女仔去游水嗰陣,成日着住嘅游水衫。依家已經吸引咗全球各地買家嘅興趣。好多中東同埋歐洲國家地區都話想引入呢件嘢嚟做救生制服。

依家游水衫嘅品種[編輯]

喺西方嘅文化入面,其中男仔嘅游水衫品種大部份都係沙灘褲四角游水褲三角游水褲T字游水褲同埋G字褲呢5種,全部係爲咗減少身體下面嘅覆蓋。

而女仔嘅游水衫品種大部份都係一件頭比堅尼或者係T字游水褲呢3種。雖然話呢啲品種嘅樣、長度都裁切入面都係有多方面嘅趨勢,但係喺裁切方面,都係同一般嘅連衫褲呢啲嘢係冇乜大嘅區別[3]。而喺2007年出嘅波堅尼,係專門照顧咗啲穆斯林嘅女仔去游水嘅,佢係除咗面同埋手掌、腳底之外就全部都遮冚嗮(同潛水衫有啲似)。呢筍嘢家陣重有個升級版本嘅,就係遮冚嗮成身嘅游水衫喇。而遮冚嗮成身嘅游水衫喺伊斯蘭教嗰邊,可以睇成係謙虛嘅行為。喺埃及嗰頭重出現咗遮冚嗮成身嘅「伊斯蘭版游水衫」[4]

女仔嘅游水衫[編輯]

男仔嘅游水衫[編輯]

男女都啱着嘅游水衫[編輯]

出面網頁[編輯]

[編輯]