烴（讀丁或景；英文hydrocarbon），又叫碳氫化合物係碳同氫兩元素合成嘅有機化合物。
烴係化學造字，字形係碳嘅火字同氫嘅巠字組成。而讀法係碳字聲母加上氫字韻母，所以讀做丁。之過因為有邊讀邊嘅習慣，亦俗讀景。
咁個字代表所有碳氫化合物。
烴係所有有機化合物之母，所有有機化合物，都不過係由其他原子或基團，替咗部份烴嘅碳或者氫原子。
烴可以分為，脂鏈烴、脂環烴同埋芳烴。而脂鏈烴分為飽和烴同不飽和烴。飽和烴下有烷烴，而不飽和烴下有烯烴同炔烴。
