燒炭自殺
燒炭自殺，或者就咁叫燒炭，係香港1997年之後流行嘅新自殺方法。之後就傳到澳門、華南、台灣等世界各地華人社區。
想自殺嘅人會將一間房所有門窗閂晒，造成一個密室。然後響房將燒烤炭點着，等佢燒嘅時間消耗房裏面氧氣。由於房裏面嘅氧唔夠，炭消得唔完全，就產生大量一氧化碳。人吸咗一氧化碳之後，紅血球表面就畀一氧化碳分子黐住，等佢無辦法帶氧分子。咁最後個人唔係一氧化碳中毒就係缺氧而死。
起源
[編輯]1998年11月，一位中年女人自創燒炭自殺，將自己同燒烤爐封響沖涼房裏面。由於呢種方法之前，未有先例，相信係女死者以佢化工背景自創。因為咁，呢種自殺方法引起好多報紙大幅報導，令到好多模仿以呢種方式自殺。更適逢1997年後香港經濟低潮，有唔少人失業兼負債纍纍，以呢種方式自尋短見。結果短短兩個月就成為香港第三多人用嘅自殺方法，排響跳樓同吊頸之後。到咗第2001年，呢個方法多人用到變咗第二位。由於各傳媒咁樣繪形繪聲報導，大陸、台灣、日本都有唔少人仿效。
在燒炭自殺普及之後，就有父母要仔女陪葬，趁仔女睏緊覺就開爐燒炭。
流行原因
[編輯]除咗因為有好多傳媒詳細報導之外，令到好多人知道點用呢個方法之外，另一個原因係唔少人認為呢個方法，唔使好似跳樓、割脈咁面對痛苦同恐懼咁死，唔似跳樓、開煤氣後果影響咁多人。由於過程之中自殺者會無氣呌好痛苦，通常佢哋都會食藥或者飲酒令到自己麻醉、昏睡。
後果
[編輯]好多燒炭但係唔死嘅人，都要深切治療。事實上缺氧會令到腦部受損，救返後部份身體機能可能會恢愎唔到。
法律上自殺已經係罪。如果父母自殺不成，仔女死咗嘅話，有可能畀人告謀殺或誤殺。
社會影響
[編輯]新嘅自殺方法引起社會關注想自殺嘅原因。由於燒炭自殺所以而家嘅香港市面上賣嘅炭都寫有求助電話同標語。