牧野之戰，又稱武王伐紂，係周國滅商國之戰，唔肯定年代，估計喺公元前1130年到前1018年間。之所以叫牧野之戰，皆因喺牧野決戰。牧野喺商國京城朝歌之南，喺當今中華人民共和國河南淇縣，喺衞河以北，新鄉市附近。大戰之前，商軍正在征伐西南夷，朝歌以西防守減弱，畀周國有機可乘。當時周王姬發領軍，帶住各方國之兵，向東征伐商國，商王子辛迎戰，商國不敵，慘遭覆滅，子辛自殺而死。周軍殺人無數，血流成池。之不過此戰並未全滅商，但商仍保有東方各方國，直至姬發死後，姬奭同姬旦征東，先後以消除反抗。因爲姬發死後叫武王，而子辛又稱紂，所以又叫武王伐紂。
中國斷代史中，視子辛死爲商代之末，周代之始。若然以兩國史來睇，兩國實並存多年。
