狐狸與獵狗

《狐狸與獵狗》（英文：The Fox and the Hound）係一部由華特迪士尼喺1981年製作及發行動畫戲電影。套戲最早喺1981年7月10號上畫。佢係迪士尼第24部經典動畫長片。

故事改自同名小說，而小說係1967年寫嘅。套片故事感人，網上曾經評為迪士尼最感人作品。呢部戲講狐狸陶德（Tod）同獵狗小銅（Copper）自細係好朋友，一齊玩得好開心，之不過後尾慢慢變成敵人。米基·魯尼（Mickey Rooney）負責同陶德配音，寇特·羅素（Kurt Russel）就同小銅配音。

套片嘅DVD分別由中錄德加拉同埋博偉喺中國大陸同台灣發行，而無出過電影原聲帶CD版。大多數迪士尼電影電影原聲帶，都係由滾石喺兩岸發行後，EMI、艾迴分別喺中國大陸、台灣再發行。喺台灣原版錄影帶喺1997年4月推出，三區DVD就喺2000年上市，到2007年又發行特別版，套片嘅電影原聲帶則未推出。套片喺1999年於台灣迪士尼頻道首播。原版錄像帶1994年首度發行，並於2000年5月第二輪推出『黃金典藏系列』錄影帶，同時首度推出DVD，到咗2006年更推出25週年紀念版DVD。續集《狐狸與獵狗2》由迪士尼喺2006年推出。

故仔

故事講美國農村，有隻叫陶德嘅狐狸仔，佢老母畀獵人殺咗， 狐狸仔就畀老婦收養。 有日，陶德出走，見到獵犬小銅，重好快做成朋友。陶德同小銅由而自幼結成好友，一齊玩，一齊笑，好開心咁過日辰。但越大個，就知大家係天敵，友誼就有危機。

陶德一次意外，唔小心害到照顧小銅嘅老狗，畀火車撞傷，生命垂危。小銅答應向陶德報仇，追住陶德，陶德就迫住逃走。追嗰陣，佢哋遇到熊。陶德原本可以趁機擺脫，但見住小銅有危險，而淘德善良，有智慧，就留低幫小銅，合力打敗熊，轉危為安，兩個重歸於好。

電影歌曲

1. "The Best of Friends"
2. "Lack of Education"
3. "A Huntin' Man"
4. "Goodbye May Seem Forever"
5. "Appreciate the Lady"

出面網頁

• 電影官方網站
• 互聯網電影數據庫（IMDb）上面《狐狸與獵狗》嘅資料