睾丸
出自維基百科，自由嘅百科全書
 |
呢篇文夾雜北方中文，唔合乎粵語嘅用字、句式或者文法。 請改善。 |
睾丸，廣東話又叫春子，係雄性哺乳動物生殖器官嘅一部分，喺春袋（陰囊）裏面，呈橢球形。主要作用係產生精子同埋分泌雄性激素。喺人類性交嘅過程中，睾丸亦會分泌出一啲粘液幫助性交。男性睾丸亦可能唔對稱，一個下垂多啲，一個下垂少啲，呢個係好普通嘅現象。
人類睾丸嘅形成，保健同埋生殖 [編輯]
睾丸必須喺低過體温嘅環境，至可以產生正常嘅精子。睾丸係先喺胚胎體內形成，喺胚胎嘅發育過程，睾丸會開始逐漸向下移，直到最後嘅位置。有啲嬰兒如果發育唔正常，生出之後，睾丸重未下降到適當嘅地方，就要做手術。如果唔做手術，就有可能有睾丸癌。而且一定要早，如果超過一定年齡，睾丸因為體溫太高，該男性有可能冇咗生育能力。同樣，如果男性成日着緊身底褲，睾丸被底褲包實，温度同體温一樣，就會影響精子嘅質量同數量，因而影響生殖能力。
天氣熱嗰時，睾丸會下垂，以降低睾丸嘅溫度。天氣凍嗰陣，睾丸會收縮到貼近身體嘅地方。喺接近做愛高潮嘅時候，睾丸亦會因為肌肉收縮，上升到貼近身體嘅地方。
歷史同醫學 [編輯]
喺中國古代，皇帝為咗防止男僕同佢哋嘅嬪妃做愛，而規定太監一定要切咗睾丸，先可以入宮；有時，太監重會俾人切晒成條陰莖。由於睾丸係產生男性性激素嘅器官，太監都會冇咗某啲男性特徵，唔可以生鬚、體毛，亦都扯唔到旗。
喺古代嘅歐洲，亦有啲宗教集團，為咗令男性唱詩班成員大個咗都唔會變聲，而切咗佢哋嘅睾丸。睾丸係保持男性特徵嘅必要條件，但係佢同時會產生唔同嘅激素，所以會造成前列腺癌。所以喺醫學上，如果發現男性有前列腺癌，就有可能將嗰個男性嘅睾丸全部切除。
男性有兩粒睾丸，即使因事故而冇咗一粒睾丸，男性重可以保持佢嘅男性特徵。如果睾丸移植，產生嘅精子仍然含有原來捐贈者嘅基因。
睇埋 [編輯]
