神曲

出自維基百科,自由嘅百科全書
跳去: 定向搵嘢

神曲係一首由但丁寫嘅詩歌

但丁喺三十幾歲嗰陣,因為捲入黨派紛爭而俾人流放,神曲就係喺佢呢十幾年嘅失意時期誕生。

神曲全篇一共有14,233行,分成「地獄篇」、「淨界篇」同「天堂篇」三大部份,每篇都大概有三十三至三十四首,內容大致係描述但丁人生三十幾年(即係同寫作嗰陣時嘅年紀差唔多),喺一個黑暗嘅森林入面蕩失路,好彩有靈魂帶領佢,開始遊歷煉獄。地獄有九圈,就好似一個漏斗噉,越落就越窄。然後又去到淨界,淨界有七層。最後就到伊甸園,跟住又有機會去到天堂,天堂分「九重天」,最後幻想突然唔見咗。當中但丁遇到好多聖人同埋無數嘅奇遇,每事每物都有寫低,都有超強嘅時代宗教批判色彩,佢覺得政教應該分離,主張政權教權平等嘅理念。

但丁嘅愛情故事都好刻骨銘心,聽講佢係九歲嗰時喺聚會入面見到一個少女—貝廸麗茨,就係噉一見鍾情,直至貝廸麗茨嫁人、死咗,都對佢終生不忘,專一不二。喺「地獄篇」入面,但丁就將貝廸麗茨變成一個引領但丁嘅女神,所以貝廸麗茨喺但丁心裏面係一個極之重要嘅精神戀人

出面網頁[編輯]