美術展嘅開幕

美術展或者藝術展嘅開幕（英文：opening 或者 art opening；法文：vernissage），中文有時叫預展，係美術展入面嘅一種單日舉行嘅環節，通常喺展覽開頭舉行，但係未必真係喺之前或者第一日。時間就通常唔會係展覽嘅正常時間，所以好可能時係喺夜晚，不過亦有日頭舉行嘅開幕。開幕嗰陣通常有少少嘢食同嘢飲（不過如果係酒類飲品就通常要買），而參展嘅藝術家亦通常會在場，等睇展嘅人可以即場同藝術家傾偈或者問問題等等。

開幕有時會包括一哋特別節目，例如可能會有表演、又或者畀傳媒影相或者訪問等等，但係其實大部分嘅開幕都唔會有呢啲。

有啲美術展有呢個環節，但係唔係喺頭，當中有啲舉行嗰陣已經差唔多到尾，嗰啲會叫做閉幕（英文：closing），不過同開幕一樣，閉幕並唔係一定係最後一日，亦通常唔係。