肥佬 (原子彈)
Fat Man（粵語譯肥佬；官話譯胖子）係美國一粒原子彈個代號。呢粒原子彈，喺1945年8月9號，炸咗日本長崎市。係世界第二粒用來打仗嘅原子彈，係第三粒引爆嘅原子彈。呢個名，亦都係指美國所造，同一品種嘅原子彈。粒彈係用鈈元素做核心，係引爆型（implosion-type）[1]。
名
[編輯]「Fat Man」可能係指英國戰時首相丘吉爾[2]。不過，Robert Serber就喺佢回憶錄話肥佬又圓又肥，佢因為睇過《The Maltese Falcon》，同裏面角色Sidney Greenstreet好似，所以就叫肥佬。不過查實，諗緊整緊嘅過程之中，叫法都唔係時時一樣。佢有用過「細路仔」呢個名（Little Boy），亦都叫過「肥仔」（Fat Boy），「瘦佬」（Thin Man），「S-1」，同埋「件架生」（The gadget）[3]。
爆
[編輯]「Fat Man」喺長崎對上550米高引爆。當時係由波音B-29轟炸機Bockscar帶上城上，由 393d Bomb Squadron 機師 Major Charles Sweeney 掟。原本唔係諗住炸長崎，而係炸小倉。不過因為油唔夠，同太大煙同煙霞，所以改炸第二目標長崎。個彈放咗約莫21千噸（kiloton）黃色炸藥（TNT）嘅能量，即係8.78×10¹³焦，或者87萬8千萬萬焦[4]。因為長崎多山，冇炸廣島受損咁大。估計有三萬九千人炸死，2萬5千人受傷[5]。數以千計因為炸後燒傷震傷而死，數以百計受原爆輻射毒而死。爆完無耐，日本裕仁天皇宣佈投降。
工
[編輯]呢粒彈嘅主要放射性元素係鈾-238同埋鈈。
粒彈裏邊嘅原始藍圖喺二戰期間係機密，但係好多主要部件嘅資料可以喺公眾文獻度搵到。喺1945年，蘇聯間諜響Los Alamos偷咗一份關於肥佬嘅資料去莫斯科。俄國政府響1992年公開咗呢份資料[6]。
下邊係「Fat Man」嘅主要部件嘅示意圖，跟住落嚟嘅係更加詳細嘅物理包（負責核初始化嗰部分）用料：
 |
|
註
[編輯]- ↑ Hakim, Joy (1995). A History of Us: War, Peace and all that Jazz. New York: Oxford University Press. ISBN 0-19-509514-6.
{{cite book}}: Cite has empty unknown parameter:|coauthors=(help) - ↑ BBC ON THIS DAY | 9 | 1945: Atom bomb hits Nagasaki
- ↑ Lamont, Lansing. Day of Trinity (Toronto, Ontario: Signet/New American Library), 1966.
- ↑ What was the yield of the Hiroshima bomb?
- ↑ "The Avalon Project : The Atomic Bombings of Hiroshima and Nagasaki". 原著喺2011年6月25號歸檔. 喺2008年8月9號搵到.
- ↑ V.P. Visgin, ed. 1992. At the source of the Soviet atomic project: the role of espionage, 1941-1946. Problems in the History of Science and Technology 3:97. Described in Richard Rhodes, Dark Sun: The Making of the Hydrogen Bomb. Simon and Schuster, 1995. pp. 193-8.