肥佬 (原子彈)

肥佬

肥佬，譯自英文原名Fat Man，係美國一粒原子彈個代號。呢粒原子彈，喺1945年8月9號，炸咗日本長崎。係世界第二粒用來打仗嘅原子彈，係第三粒引爆嘅原子彈。呢個名，亦都係指美國造嘅，同肥佬一款嘅原子彈。粒彈係用鈈元素做核心，係引爆型（implosion-type）。

名

肥佬可能係指英國戰時首相丘吉爾。不過，Robert Serber就喺佢回憶錄話肥佬又圓又肥，佢因為睇過《The Maltese Falcon》，同裏面角色Sidney Greenstreet好似，所以就叫肥佬。不過查實，諗緊整緊嘅過程之中，叫法都唔係時時一樣。佢用又一隻細路仔（Little Boy）〔呢句唔似粵語，幫手改改佢〕，都有叫過肥仔（Fat Boy），瘦佬（Thin Man），S-1，同埋"件架生"（The gadget）。

爆

肥佬喺長崎對上550米高引爆。當時係由波音B-29轟炸機Bockscar帶上城上，由 393d Bomb Squadron 機師 Major Charles Sweeney 掟。原本唔係諗住炸長崎，而係炸小倉。不過因為油唔夠，同太大煙同煙霞，所以改炸第二目標長崎。個彈放咗約莫21千噸（kiloton）黃色炸藥（TNT）嘅能量，即係8.78×10¹³焦，或者87萬8千萬萬焦。因為長崎多山，冇炸廣島受損咁大。估計有三萬九千人炸死，2萬5千人受傷。數以千計因為炸後燒傷震傷而死，數以百計受原爆輻射毒而死。爆完無耐，日本裕仁天皇宣佈投降。