艾未未

出自維基百科,自由嘅百科全書
跳去: 定向搵嘢
艾未未

艾未未Ai Weiwei1957年8月28號—)係中國藝術家建築設計師,又係社會評論員文化評論員。因為佢係出名詩人艾青個仔,亦都為人所知。佢喺實驗藝術呢方便,係中國頭頭[1]。佢做梗中國藝術文件庫藝術總監[1]

佢最出名係做電視劇北京人在紐約》嘅副導演,而2008年夏季奧林匹克運動會國家體育館『鳥巢』係佢做顧問[1]

2011年4月3號北京當局扣留佢[2],不過冇正式逮捕或落案起訴[3],個幾月後,公安機構話艾未未涉嫌「經濟犯罪」。有國家要求放佢,亦有人聲援。2011年6月2號,艾未未可以「取保候審[4]

家庭[編輯]

艾未未係艾青高瑛兩位詩人生嘅仔,1957年喺北京出世[1]。無耐文化大革命,佢成家都放逐去新疆勞改。嗰度艾未未就住咗五年。

1981年到1993年,佢喺美國住,主要留喺紐約。

艾未未老婆叫路青

事業[編輯]

喺文獻十二展品,《模》
喺文獻十二展品,《人客住嘅地方》
艾未未裝置藝術嬰兒配方奶粉(2013年)

1978年,北京電影學院開辦,佢入咗學院,同期有陳凱歌張藝謀等。1981年到1993年喺美國,佢主要搞表演藝術,而佢亦都做改現成嘅嘢而成嘅概念藝術。紐約時,佢讀過Parsons School of Design

1998年,佢去美國搞個叫《舊鞋、性安全》概念藝術展,係第一次有大陸人去國外搞呢類展[1]。返國之後,就搞咗中國第一套前衞藝術刊物,《黑皮書》、《白皮書》同埋《灰皮書》[1]

2000年,佢同馮博一中國上海搞展。

2006年,佢喺紐約Hudson Valley區度設計咗一個私人住宅,間屋含有好多當代中國藝術元素。

2007年,佢參加文獻十二,帶埋一大班唐人同行來做展品。而佢嘅作品《模》,畀大雨壓爛。之不過艾未未無重新整返,因為佢見到自然力量做到畀佢更正嘅作品。

佢亦同夾埋瑞士行Herzog & de Meuron,設計咗北京國家體育場,即係2008年夏季世運會場地鳥巢。之不過佢係對呢次中國搞世運會好失望。因為佢唔係推動中國改革,而係將世運會淪為一種宣傳。佢2007年8月話史匹堡同張藝謀搞世運開幕典禮,以藝術家來講,係失責。佢亦都話唔會出現喺開幕典禮。

[編輯]

  1. 1.0 1.1 1.2 1.3 1.4 1.5 對話艾未未. 
  2. 國際特赦譴責中國拘押艾未未 (中文(简体)‎). 
  3. 艾未未刑事拘留明屆滿,明報 2011-05-09
  4. 北京市公安机关依法对艾未未取保候审. 新华网. . 喺2011-6-22搵到;. 

出面網頁[編輯]