萬聖夜

出自維基百科，自由嘅百科全書

「萬聖節」跳轉到呢度。要睇第啲意思，請你去萬聖節 (搞清楚)。

萬聖夜（Halloween，常誤稱為萬聖節），或者叫萬聖節前夕，響每年嘅10月31號，係英文世界嘅傳統節日，主要風行響北美同不列顛群島，其次係澳洲同紐西蘭。果晚細路會著化妝衫，戴住面具，逐家逐戶去收糖，通常佢哋會講 “Trick or Treat” ^[1] 呢句口令，大人就會畀糖佢地。

萬聖夜英文係 Halloween，其實係 All Hallow Eve 嘅縮寫，類似平安夜嘅 Christmas Eve，係指萬聖節（All Hallow's Day）嘅前一晚。

萬聖夜嘅主題係鬼怪、嚇人，以及同死、魔法、怪物有關嘅事物。而通常同萬聖夜扯上關係嘅事物有鬼魂、食屍鬼、巫婆、蝙蝠、黑貓、貓頭鷹、精靈、殭屍、骷髏同惡魔等，重有虛構人物例如吸血殭屍同科學怪人。

黑色同橙色係萬聖夜嘅傳統顏色，但而家萬聖夜嘅產品亦都會用紫色、綠色同紅色。而秋天嘅元素例如南瓜同稻草人等，都係萬聖節嘅象徵。

[編輯] 注