萬聖夜

出自維基百科,自由嘅百科全書
跳去: 定向搵嘢
傑克南瓜燈

萬聖夜英文Halloween),逢年10月31號舉行,乃係鬼佬傳統節慶。世稱哈囉喂,之不過坊間好多人講萬聖節,查實係萬聖節前夕至真。呢個節慶於北美英倫諸島至多人過,而澳洲紐西蘭次之。嗰晚細路會扮鬼扮馬,逐家逐戶拍門o偽人畀糖果過佢哋,佢哋會講「Trick or Treat[1]。聽到呢句說話,屋主就會熟性派糖過佢哋。

萬聖夜嘅英文「Halloween」其實係「All Hallows' Eve」嘅縮寫,類似平安夜嘅「Christmas Eve」咁,係指「萬聖節」(All Hallows' Day,又叫All Saints' Day)嘅前一晚。

萬聖夜嘅兩個傳統活動,化妝同拍門攞糖(Trick-or-Treating)其實都有意思。化妝其實係為咗喺百鬼夜行嘅萬聖夜,裝扮到比鬼怪更加得人驚,咁就可以嚇走佢哋,唔驚畀佢哋騷擾。而拍門攞糖嘅行為其實係重現返中世紀時期,一啲窮人會喺萬聖節當日逐家逐戶去拍門問人攞嘢食,然後喺第二日諸靈節All Souls Day)為嗰啲家庭已故嘅成員祈禱嘅舉動。

萬聖夜嘅主題係鬼怪、嚇人,以及同魔法怪物有關嘅事物。而通常同萬聖夜扯上關係嘅事物有鬼魂食屍鬼巫婆蝙蝠黑貓貓頭鷹精靈殭屍骷髏惡魔等,重有虛構人物例如吸血殭屍科學怪人

黑色橙色係萬聖夜嘅傳統顏色,但而家萬聖夜嘅產品亦都會用紫色綠色紅色。而秋天嘅元素例如南瓜稻草人等,都係萬聖夜嘅象徵。

[編輯]

  1. 呢三個字解「整蠱定甜頭」,言下之意即係而家唔係是必要你揀,一唔係派糖過我,一唔係整鬼你。