西日本車體工業

出自維基百科,自由嘅百科全書
跳去: 定向搵嘢

西日本車體工業西日本車体工業株式会社)係日本北九州市一間巴士車身廠,西日本鐵道附屬公司,1946年成立。

公司主要為關西以西嘅巴士公司旗下多款巴士裝車身。2002年1月,西日本車體工業成為Nissan Diesel巴士嘅指定車身製造廠(呢樣亦令富士重工業退出巴士車身生產)。但往後西日本車體工業嘅巴士車身生產亦越嚟越依賴Nissan Diesel。2007年起Nissan Diesel同埋三菱Fuso之間嘅OEM供應協議生效,令西日本車體工業嘅巴士車身擴展到掛名三菱Fuso嘅產品。

2009年8月31號,Nissan Diesel同埋三菱Fuso宣佈加強巴士生產合作嘅計畫,而Nissan Diesel亦會因此唔再委託西日本車體工業出巴士車身。考慮到西日本車體工業可能會好難再搞落去,西日本鐵道喺2010年1月宣佈會執咗西日本車體工業,初頭預計會喺8月31號實行,後來宣佈延遲兩個月。

最後一架配西日本車身嘅巴士喺2010年8月交貨,同年9月1號起西日本車身嘅售後服務交咗畀同屬西日本鐵道附屬公司嘅共榮車體工業(共栄車体工業株式会社)。西日本車體工業喺2010年10月31號執笠。