貝娜齊爾
出自維基百科，自由嘅百科全書
貝娜齊爾，全名貝娜齊爾·布托（英文：Benazir Bhutto；萬國音標：/bɛnɜziɽ botɔ/；烏都話：بینظیر بھٹو，信德話：بینظیر ڀُٽو；1953年6月21號—2007年12月27號），巴基斯坦政治人，前巴基斯坦總統阿里·布托個女，係回教國家第一位做總理嘅女人。1986年，佢返國挑戰7年之前處決佢阿爸嘅軍事獨裁者。之後佢響1988年尾當選巴基斯坦總理，當年只係35歲，做咗年幾，1990年被罷黜；1993年又重新當選，1996年又因被指控涉及貪污同治國唔妥當而要落臺，1999年畀總參謀長穆沙拉夫壓逼，流亡海外，直到2007年10月總統穆沙拉夫特赦，貝娜齊爾先至結束8年流放生涯返祖國。
2007年12月27號，佢去完喺伊斯蘭堡拉瓦爾品第一個支持者集會之後，受到炸彈襲擊，送去醫院，18:16 宣布死亡 [1][2]，至於佢死因，巴基斯坦內政部就話佢係因為避開襲擊嗰陣，個頭撞到架車個天窗嘅控制桿而死[3]，而貝娜齊爾老公扎爾達同佢安全顧問就話，佢係因為條頸同胸部中槍而死[4][5]，而實際死因而家重未可以話實。
貝娜齊爾死咗之後，老公扎爾達里出任巴基斯坦總統。
[編輯] 參考
- ↑ Benazir Bhutto killed in attack BBC news
- ↑ 巴國前任女總理遇襲死亡。 明報即時新聞。
- ↑ 巴基斯坦公佈貝娜齊爾死因。 文匯報網頁。
- ↑ 貝娜齊爾遇刺亡 死因眾說紛紜。 多維新聞網。
- ↑ 蓋達否認刺殺貝娜齊爾 美對巴基斯坦核武安全仍有信心。 明報新聞網。
