萬國音標，近年又叫做國際音標，係一套語言學上，方便標示全世界每一種語音嘅標音符號。佢嘅特色係一個符號（或者叫做字母）祇代表一個音素，同時用附加符號來表示唔同環境之下嘅音變。如此一來，語言學家就可以用呢套系統來比較唔同語言嘅發音。
可能因為英文全名叫International Phonetic Alphabet，所以通常用佢縮寫IPA來代表。萬國音標係全球語言學家嘅共同標準。
