貝特朗·德拉諾埃
出自維基百科，自由嘅百科全書
貝特朗·德拉諾埃（法文：Bertrand Delanoë，1950年5月30號—），喺突尼斯出世，係法國法國社會黨嘅政治家同巴黎市長。
貝特朗·德拉諾埃後生果陣跟住父母去到法國。從 23 歲起佢開始咗佢嘅政治生涯。1973年佢成為艾瓦恩社會主義聯盟嘅書記。1977年佢被選入巴黎市議會。1993年佢成為巴黎市社會黨嘅呀頭。1995年佢進入法國參議院並成為其外交同國防委員會嘅書記。
2001年3月18號，佢當選巴黎市長，成為1871年巴黎公社以嚟巴黎市第一個左翼政黨市長。德拉諾埃嘅當選有幾個因素：第一係因為當時右派政黨分裂，兩個選手互不相讓導致佢哋選民分裂，第二係因為德拉諾埃受到法國綠黨嘅支持。
德拉諾埃當選市長後其政治主要目標喺於提高市區內嘅生活條件，減少污染，解決交通堵塞同建立人行區。
德拉諾埃係法國第一個公認自己係同性戀嘅政治家。1999年喺一次電視採訪中佢正式『出櫃』。德拉諾埃本人並無積极參加同性戀組織嘅政治活動，但佢希望佢能以走出櫥櫃嘅行動消除一啲社會上依然存喺嘅偏見。2002年10月5號貝特朗·德拉諾埃喺巴黎一個慶祝會上遇刺。佢嘅刺客對警察講行刺佢嘅原因係「佢唔中意政治家，尤其唔中意同性戀者。」德拉諾埃兩個星期後好返出院。
[編輯] 連出去
| 上一任 Jean Tiberi |
巴黎市長 2001年– |
下一任 做緊 |
