載入畫面（粵拼：zoi3 jap6 waa2 min2；英文：loading screen）係指一個電腦程式（尤其係遊戲程式）喺度載入要用嘅資訊嗰時顯示嘅一個畫面，通常會有 now loading（大致似粵拼：naau1 lou1 ding4；而家載入緊或者而家撈緊）等嘅字眼。
喺遊戲設計上，載入畫面有打斷玩家體驗嘅危險，所以好多遊戲設計師都會做啲嘢，令載入畫面對玩家嚟講得意，例如好多遊戲嘅載入畫面都會有一啲得意嘅圖像、有關遊戲技巧嘅提示、甚至乎有些少互動性等等[1]。
