鄭仙岩

鄭仙岩景區附近有寫住「天南第一峰」呢五個字嘅牌

鄭仙岩（粵拼：zeng6 sin1 ngaam4）係中國廣東省廣州市嘅一𡍲比較出名嘅景區，喺白雲區嘅白雲山嘅山頂公園南邊嘅山口嗰度，喺白雲山正門一上山到咗山頂之後，最先搵到嘅就係呢個景區。呢個景區自古以嚟一直都俾人話係「天南第一峰」。

古仔

喺秦朝尾，鄭安期方士就嚟咗南粵嘅白雲山嗰度住咗好耐，而且都冇人知。點知有年因為爆咗單瘟疫，為咗救返啲民眾，佢就用咗自己最犀利嗰套醫術去四周圍搵藥。結果自己一個人上山搵九節菖蒲，半佬唔小心跣低就跌咗落山，結果山崖邊咁啱有堆白鶴即刻飛埋嚟擔咗佢起身，兜咗佢飛均成個白雲山之後就向東飛走咗。後嚟啲人為咗記得佢，先至喺而家嘅雲岩嗰度整咗間「鄭仙祠」，重將每年七月廿四定「鄭仙誕」。

鄭仙誕

鄭仙岩牌坊

農曆每年七月廿四嗰日，有好多民眾自發上山嚟拜鄭先，甚至嗰日摘菖蒲、淋靈泉嚟祈求安康都有。後嚟呢個習俗一直繼承咗落嚟先至變成而家嘅「鄭仙誕」呢個傳統節日。

史

呢個景區開發得比較早，早就喺南朝嘅梁武帝天監年間（502－509），呢度就起咗佛教名刹響度。喺之前重搞咗2次重新修復，最近嘅一次修復喺2014年初夏。嗰時廣州市人民政府為咗弘揚「鄭仙誕」嘅千年傳統習俗，重修復咗而家有嘅雲岩景區嚟還原古蹟勝景，甚至搞咗雕塑、浮雕墻同牌坊嚟傳承同發展白雲山嘅傳統節慶文化。而家嘅坊柱嗰度有句「雲開世外三千界，岩倚天南第一峰。」嘅對聯響度。

出面網頁

• 白云山旅游攻略之天南第一峰_天南第一峰图片_天南第一峰景点介绍导游词 相约久久
• 天南第一峰 广州市白云山风景名胜区