配票

配票係一種運用策略，以求某方充分利用票源，獲得最多議席嘅做法。由於喺複數選區單記不可讓渡投票制中，並非僅由最高票當選，而係各候選人得票僅需喺當選席次內領先即當選，因此政黨或政治聯盟透過組織動員或者號召選民自動將票源分配投給有希望當選嘅候選人，令到佢哋達到當選門檻，使該政黨當選席次最大化，避免個別參選人衝高票數造成選票浪費。喺複數選區制，大黨可以配票，而立場相近嘅政治團體亦可利用配票去擴大影響力。

部分例子

• 喺香港，自2000年香港立法會選舉開始，直到北京未經諮詢或香港人同意強行修改立法會選舉制度之前，唔同政黨都嘗試喺比例代表制最大餘額法嘅制度下，分拆多張名單，嘗試攞到最多嘅議席。不過，喺親中派以內嘅配票，往往都係中聯辦喺違反基本法第22條嘅情況介入而進行。
• 喺台灣，直到2004年中華民國立法委員選舉前，每個選區都會選出多過一個立委，民進黨會呼籲支持者按身分證號碼末一碼或者出生日期進行配票。