鋪頭係喺一個固定嘅建築物裏面賣嘢嘅地方，唔似小販，唔使怕走鬼，但係要交租，或者要自置物業，皮費貴好多，如果無生意，又唔可以即刻收檔，推去下一個街口，再開檔。
一般情況之下，喺鋪頭買嘢比較信得過，由其係大鋪頭，買錯咗可以返嚟換，唔似得小販咁，好容易唔見咗人。
而家賣嘢，唔只得啲實實在在，行得入去嘅建築物，互聯網上面都有「鋪頭」，可以買嘢。大嘅有 eBay，Amazon（亞馬遜）、雅虎拍賣網等等。
