茶樓

出自維基百科,自由嘅百科全書
跳去: 定向搵嘢

茶樓係以前飲茶點心食肆。細緻啲分茶居同茶樓,前者得一層,而茶樓係有樓梯嘅幾層高樓,例如上環高陞茶樓。不過,係咪茶樓都係任人叫啫,因為香港中環有間老字號嘅自稱做茶室

舊時[編輯]

舊陣時香港茶樓樓底好高,天花吊住架大風扇,圓檯圓凳兼夾無挨凭。茶樓或有少量卡座,檯下低周不時擺住個痰罐,畀阿伯痰上頸不時之需。而茶盅水煲之類嘅物件家下唔多見咯。侍應九成係由長者出任,重好興將一塊白色毛巾搭落膊頭度走圍行。舊式茶樓做熟客仔生意,罕有女士前來幫襯,小童免茶芥響當其時已係成例。茶樓墻上高有勾畀人客掛雀籠,事關舊底好多阿伯歡喜撚雀當係世藝。而全港至響嘅三間舊式茶係蓮香高陞得雲

而家[編輯]

而家香港飲茶變晒酒樓,好靚嘅裝修同埋貴到飛起嘅點心。有啲連手推車叫賣點心嘅阿嬸都唔用,改埋寫紙仔。部長全部西裝骨骨,又戴晒耳機。

睇埋[編輯]