長壽路 (廣州)

长寿路 CHANGSHOU LU

性質： 一般馬路 全長： 0.645公里 行車線： 2車道，東向西嘅單行綫。 地區： 廣州市荔灣區 起點： 人民中路 終點： 寶華路 主要建築： 華林寺

  呢篇文講廣州市入面嘅長壽路。想搵其它城市入面嘅長壽路嘅話，請睇長壽路。

長壽路（粵拼：coeng4 sau6 lou6）係中國廣東省廣州市入面嘅其中一條一般嘅馬路，呢條馬路喺荔灣區入面，成條馬路係東西走向。東邊從人民中路開始，一直向西去到寶華路嗰頭。

概要

全長645米，闊大概13米，2車道。成條路係單行綫，凈係可以從東邊向西邊行。

長壽路嘅兩條道路，起點到終點

• 長壽西路：從寶華路嘅位開始一直去到德星路嗰度
• 長壽東路：從德星路嘅位開始一直去到人民中路嗰度。

史

其實呢條馬路喺以前唔係嗌「長壽路」，而係由「汝南洲」、「永華坊」、「玉器墟」同埋「長壽直街」呢四條巷仔組成嘅。不過到咗1931年，廣州市政府就將呢4條巷拆咗，起咗條馬路，由於附近有棟長壽寺響度，所以就改咗嗌「長壽路」呢隻名喇。喺文化大革命嗰陣，長壽路嘅成條馬路係嗌咗「曙光路」呢隻名，到咗1983年，呢條路就重新改返原嚟之前嘅名，啫係依家叫「長壽路」，而馬路就重新分開返東同埋西兩條。

特色

呢條馬路從東向西行嚟睇，都係幾旺下。其中長壽東路附近有間荔灣廣場響度，去到長壽西路嗰頭就見到有好多玉器同埋首飾賣嘅一尐喇。加上附近重有條上下九步行街響度，所以條路嘅人流都好多下。

響1950年之前嘅國共內戰嗰陣時，呢尐嘅賣玉器啲商人就試過從廣州搬到香港嗰尐住喇。到咗香港之後就集中嗮喺油麻地入面嘅廣東道附近起咗好多間玉器嘅檔口，後嚟過咗好多年之後，一大堆玉器嘅舖頭就猛咁出嚟，就變咗家陣嘅甘肅街玉器市場出嚟喇。

經過嘅道路

呢度啲路嘅順序係從西去到東嚟排嘅，其中加粗咗嘅字係主幹道：

• 寶華路
• 文昌南路、文昌北路
• 康王南路
• 德星路
• 光復中路
• 人民路高架橋嘅其中一條匝道
• 人民中路