門仔塘

出自維基百科,自由嘅百科全書
跳去: 定向搵嘢

門仔塘以前係香港藍巴勒海峽一個漁避風塘。個塘響青衣島牙鷹洲之間。個塘有東同北兩口,連住藍巴勒海峽。個位置即係家下長安邨長發邨

歷史[編輯]

門仔塘雖然係避風塘,但係舶滿晒都係要去到1960年代。響呢個時間,葵涌大量填海做荃灣新市鎮,成個醉酒灣都填晒。本來住響呢度嘅水上人,就迫住連人帶船去到對面青衣島度舶,但係門仔塘實在太細,同醉酒灣無得比,而且佢水又唔係好深,好多船舶咗入去就無出返來。美國經援協會(CARE)就響門仔塘附近個山仔,幫啲漁民起屋,之後交畀香港明愛發展,就係青衣城對面山仔嘅漁民村聖保祿村。另外,響山頂,漁類統營處亦咗間青衣漁民子第學校,畀漁民仔女讀書。

到咗1980年代,荃灣新市鎮又伸到來青衣門仔塘,成個塘填平。呢班人又要搬,不過今次係搬上樓,住公屋。其中一啲就搬咗上長青邨青桃樓,係特登起畀漁民。